اقتاۋدا ءۇش جاسار بالاسىن ۇرىپ ولتىرگەن ايەل سوتتالدى

اقتاۋدا كىشكەنتاي قىزىن ۇرىپ ولتىرگەن 20 جاستاعى ايەل سەگىز جىلعا باس بوستاندىعىنان ايىرىلدى دەپ حابارلادى turkystan.kz mangystaumedia.kz سايتىنا سىلتەمە جاساپ.

«قالالىق سوتتىڭ 10 ماۋسىمداعى ۇكىمىمەن ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىردى دەپ ايىپتالعان سوتتالۋشى ي.-عا قاتىستى قىلمىستىق ءىس قارالدى»، – دەپ حابارلادى اقتاۋ قالالىق سوتىنىڭ ءباسپاسوز قىزمەتى.

ايەل 8 جىلعا باس بوستاندىعىنان ايىرۋ جازاسىن ورتاشا قاۋىپسىزدىكتەگى قىلمىستىق-اتقارۋ جۇيەسى مەكەمەسىندە وتەيدى.

«ايەل قىزىن ۇرىپ-سوعىپ، يتەرىپ جىبەرگەن، سونىڭ سالدارىنان قىز ۇستەلدىڭ بۇرىشىنا سوعىلعان. سودان كەيىن ايەل جۇدىرىعىمەن بالانىڭ ىشىنەن بىرنەشە رەت سوققى جاساعان. سودان اناسى ۇيدەن شىعىپ كەتكەن، ال ءسابي ەكى جارىم ساعاتتان كەيىن العان جاراقاتىنان قايتىس بولدى»، – دەلىنگەن حابارلامادا.

ايەل «دەنساۋلىققا قاساقانا اۋىر زيان كەلتىرۋ» بابى بويىنشا سوتتالدى.

ۇقساس جاڭالىقتار

Back to top button