مەملەكەت باسشىسى تۇرىك كاسىپكەرىن قابىلدادى

مەملەكەت باسشىسى Yildirim Holding كومپانيالار توبىنىڭ پرەزيدەنتى ءارى باس ديرەكتورى روبەرت يۋكسەل يىلدىرىمدى قابىلدادى دەپ حابارلادى turkystan.kz.

كەزدەسۋدە حيميا ونەركاسىبى سالاسىنداعى بىرلەسكەن بىرقاتار ينۆەستيتسيالىق جوبانى قازاقستاندا جۇزەگە اسىرۋ پەرسپەكتيۆالارى تالقىلاندى.

روبەرت يۋكسەل يىلدىرىم قاسىم-جومارت توقاەۆقا جامبىل وبلىسى سارىسۋ اۋدانىنداعى كالتسي قوسىلعان سودا شىعاراتىن زاۋىت قۇرىلىسىنىڭ بارىسى تۋرالى مالىمەت بەردى. جوبانىڭ قۇنى – 400 ميلليون دوللار.

سونىمەن قاتار تۇرىك كاسىپكەرى مەملەكەت باسشىسىنا اقتوبە وبلىسىنداعى «ۆوسحود» كەن ورنىندا حروم كونتسەنتراتىن وندىرۋگە جانە ءونىم شىعارۋعا قاتىستى ينۆەستيتسيالىق جوبانىڭ جۇزەگە اسىرىلۋى، ەلىمىزدىڭ بىرقاتار وڭىرىندە قاتتى پايدالى قازبالاردى بارلاۋ جونىندەگى «قازگەولوگيا» اكتسيونەرلىك قوعامىمەن بىرلەسكەن جۇمىستارى تۋرالى  ايتتى.

كەزدەسۋ سوڭىندا قاسىم-جومارت توقاەۆ تۇركيامەن ءوزارا ءتيىمدى ىنتىماقتاستىقتى نىعايتۋ ماڭىزدى ەكەنىن اتاپ ءوتىپ، كومپانيانىڭ ەلىمىزدەگى ينۆەستيتسيالىق جۇمىستارىن قولدايتىنىن جەتكىزدى.

ۇقساس جاڭالىقتار

Back to top button