نۇر-سۇلتاندا 64 ادام تاماقتان ۋلانىپ قالدى

ەلوردادا 64 ادام تاماقتان ۋلانىپ، مەديتسينالىق كومەككە جۇگىندى. بۇل تۋرالى نۇر-سۇلتان قالالىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتى مالىمدەدى دەپ حابارلادى turkystan.kz.

ۆەدومستۆونىڭ اقپاراتىنشا، قازىر 52 ادام اۋرۋحانادا ەم الىپ جاتىر.

«9 جانە 10 ماۋسىمدا نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ اۋداندىق باسقارمالارىنا قالانىڭ ەمدەۋ ۇيىمدارىنان تاعامنان ۋلانۋدى تىركەۋ تۋرالى شۇعىل حابارلامالار كەلىپ ءتۇستى. بارلىق ناۋقاس ءوز اۋرۋلارىن ەلوردانىڭ قوعامدىق تاماقتانۋ ورىندارىنىڭ بىرىندە تاماق ونىمدەرىن تۇتىنۋمەن بايلانىستىردى. بۇگىندە 64 ناۋقاس مەديتسينالىق كومەككە جۇگىندى، ونىڭ 52-ءسى اۋرۋحاناعا جاتقىزىلدى، 12-ءسى امبۋلاتوريالىق ەم الىپ جاتىر»، – دەپ اتاپ ءوتتى ۆەدومستۆو وكىلى.

جاپپاي تاماقتان ۋلانۋدى تىركەۋ جاعدايى بويىنشا بايقوڭىر اۋدانىنىڭ سانيتاريالىق-ەپيدەميولوگيالىق باقىلاۋ باسقارماسى بايقوڭىر اۋدانىنىڭ پوليتسيا باسقارماسىنا اقپارات جىبەردى. بولعان جاعدايعا قاتىستى پوليتسيا باسقارماسى سوتقا دەيىنگى تەرگەپ-تەكسەرۋدى باستادى جانە  قك 304-بابىنىڭ قىلمىستىق ءىسى بويىنشا سوتقا دەيىنگى تەرگەپ-تەكسەرۋ جۇرگىزۋگە قابىلداندى.

بايقوڭىر اۋدانىنىڭ باسقارماسى 10 ماۋسىمدا قىلمىستىق ءىس اياسىندا قوعامدىق تاماقتانۋ وبەكتىسىن جوسپاردان تىس تەكسەرۋدى باستادى.

تەكسەرۋ بارىسىندا كەلەسى بۇزۋشىلىقتار انىقتالدى: وبەكتىنىڭ مالىمدەلگەن جوبالىق قۋاتىنىڭ ناقتى سايكەس كەلمەۋى (50 ج. ق. دەيىن حابارلاما بەرىلدى، ءىس جۇزىندە 50 ج. ق. استام)، بۇكىل تەحنولوگيالىق پروتسەسس اس ءۇيدىڭ ءبىر بولمەسىندە جۇرگىزىلەدى، تسەحتى ءبولۋ (ۋچاسكەلەرگە ءبولۋ) قاراستىرىلماعان، تەحنولوگيالىق پروتسەستەردىڭ اعىمى ساقتالمايدى، تاڭبالاۋعا قويىلاتىن تالاپتار ساقتالمايدى، دايىن تاماق ونىمدەرى مەن ازىق-ت ۇلىك شيكىزاتىن ساقتاۋ كەزىندە بولشەكتەۋ مۇلكىن پايدالانۋ جانە ساقتاۋ تاۋارلىق كورشىلەستىك قاعيداتى ساقتالمايدى، قىزمەتكەرلەردى ءىرىڭدى جانە جۇقپالى اۋرۋلاردىڭ بار-جوعىن تەكسەرۋ جۋرنالى جۇرگىزىلمەيدى.

تەكسەرۋ بارىسىندا زەرتحانالىق زەرتتەۋلەرگە شايىندىلار، شيكىزات پەن دايىن ءونىمنىڭ سىنامالارى الىندى. پاتوگەندىك ميكروفلورانىڭ تاسىمالداۋىنا كاسىپورىننىڭ 15 قىزمەتكەرى تەكسەرىلدى. ناتيجەلەرى ءالى دايىن بولماعان.

ايتا كەتسەك، جوسپاردان تىس تەكسەرۋ جانە ەپيدەمياعا قارسى ءىس-شارالار ءالى دە جالعاسىپ جاتىر.

 

ۇقساس جاڭالىقتار

Back to top button