ەلىمىزدە بەنزين مەن ديزەل تاعى قىمباتتادى

بيىل جانارماي 4،7 پايىزعا، ال ديزەل وتىنىنىڭ باعاسى بىردەن 41،5 پايىزعا كوتەرىلىپ كەتكەن دەپ حابارلادى turkistan.kz.

2022 جىلدىڭ قاڭتار-ءساۋىر ايلارىندا ەلىمىزدە 1،6 ميلليون توننا جانارماي شىعارىلعان. بۇل بىلتىرعا قاراعاندا 4 پايىزعا ارتىق. ال وسى جىلى وندىرىلگەن 1،7 ميلليون توننا ديزەل وتىنى وتكەن جىلمەن سالىستىرعاندا 8،4 پايىزعا ارتىپ وتىر.

«ىشكى نارىقتا مۇناي ونىمدەرى تاپشىلىعىنىڭ الدىن الۋ ءۇشىن قازاقستاندا اۆتوكولىكپەن بەنزيندى، ديزەل وتىنىن، سونداي-اق باسقا دا مۇناي ونىمدەرىنىڭ جەكەلەگەن تۇرلەرىن اكەتۋگە تىيىم سالىندى. تىيىم التى ايعا سوزىلدى. كەيىن 2022 جىلدىڭ 21 مامىرىنا دەيىن ۇزارتىلدى. ەنەرگەتيكا مينيسترلىگى 2022 جىلدىڭ اياعىنا دەيىن قازاقستان اۋماعىنان مۇناي ونىمدەرىن شىعارۋعا تىيىم سالۋدى ۇزارتۋدى جوسپارلاپ وتىر»، – دەپ جازىلعان مينيسترلىك حابارلاماسىندا.

بيىلعى مامىر ايىنىڭ قورىتىندىسى بويىنشا بەنزين باعاسى وتكەن جىلعا قاراعاندا 4،7 پايىزعا وسكەن. ال بۇعان دەيىن ەكى جىل قاتارىنان ارزانداعان بولاتىن.

جانار-جاعارمايدىڭ باسقا دا تۇرلەرى ءبىر جىلدىڭ ىشىندە:

جازعى ديزەل وتىنى – 24،6 پايىزعا;

اي-98 بەنزينى – 9،6 پايىزعا;

اي-95/96 – 9،1 پايىزعا;

اي-92 – 4، 2 پايىزعا قىمباتتاعان.

ۇقساس جاڭالىقتار

Back to top button