الماتىدا جوعالعان قىز 1 ايدان سوڭ كوكشەتاۋدان تابىلدى

الماتىدا ءىز-ءتۇزسىز جوعالعان قىز كوكشەتاۋ قالاسىنان تابىلدى. پوليتسەيلەر ونى ءبىر اي بويى ىزدەگەن دەپ حابارلادى turkystan.kz.

رەسمي مالىمەتكە سايكەس، 12 مامىردا تۇركسىب اۋداندىق پوليتسيا باسقارماسىنا 17 جاستاعى قىزدىڭ جوعالعانى جايلى حابار تۇسكەن. ءتارتىپ ساقشىلارى ونى قالا اۋماعىنان ىزدەگەن. سونداي-اق، رەسپۋبليكا بويىنشا بارلىق پوليتسەيگە سۋرەتى مەن دەرەكتەرى تاراتىلدى.

«8 ماۋسىمدا كوكشەتاۋ قالاسىنىڭ پوليتسەيلەرى جوعالعان ازاماتشاعا ۇقساس قىزدى كورىپ، جەكە قۇجاتىن تەكسەرگەن. ول اقمولا وبلىسىنىڭ ورتالىعىندا جىگىتىمەن بىرگە جۇرگەن»، – دەيدى ءتارتىپ ساقشىلارى.

قالالىق پوليتسيا باسقارماسى بىردەن الماتىعا حابارلاسىپ، اتا-اناسىنا ايتقان. جاۋاپ الۋ كەزىندە قىز بەن جىگىت كوكشەتاۋعا ادەيى قاشىپ كەتكەنىن ايتتى.

ەكەۋى ۇيدەن الىس جەرگە كەتۋگە تىرىسقان. كامەلەت جاسقا تولماعان قىز تۋىستارىنا تاپسىرىلدى.

ۇقساس جاڭالىقتار

Back to top button