قاسىم-جومارت توقاەۆ رەسەي مەن يرانعا بارادى

مەملەكەت باسشىسىنىڭ وسى اپتاداعى جۇمىس كەستەسى جاريالاندى دەپ حابارلادى turkystan.kz.

پرەزيدەنتتىڭ ءباسپاسوز قىزمەتى اتاپ وتكەندەي، ماۋسىمنىڭ 16-سى كۇنى مەملەكەت باسشىسى قاسىم-جومارت توقاەۆ جاڭادان قۇرىلعان ۇلىتاۋ وبلىسىنىڭ ورتالىعىندا وتەتىن ۇلتتىق قۇرىلتايدىڭ ءبىرىنشى وتىرىسىنا قاتىسادى.

17 ماۋسىم قاسىم-جومارت توقاەۆ رەسەي پرەزيدەنتى ۆلاديمير ءپۋتيننىڭ شاقىرۋىمەن پەتەربور حالىقارالىق ەكونوميكالىق فورۋمىنىڭ 25-مەرەيتويلىق جيىنىنا قاتىسادى.

مەملەكەت باسشىسى فورۋمنىڭ پلەنارلىق وتىرىسىنا قاتىسىپ، بىرقاتار ەكىجاقتى كەزدەسۋ وتكىزەدى دەپ جوسپارلانعان. 19 ماۋسىمدا قازاقستان پرەزيدەنتى يران يسلام رەسپۋبليكاسىنىڭ پرەزيدەنتى يبراحيم ءرايسيدىڭ شاقىرۋىمەن يرانعا رەسمي ساپارمەن بارادى.

تەگەراندا جوعارى دەڭگەيدە ەكىجاقتى كەزدەسۋلەر وتكىزۋ جانە بىرقاتار ۇكىمەتارالىق قۇجاتقا قول قويۋ جوسپارلانىپ وتىر.

ۇقساس جاڭالىقتار

Back to top button