قارۋلى كۇشتەردىڭ جاس ساربازدارى اسكەري انت بەردى

اسكەري تەڭىز كۇشتەرىنىڭ، «شىعىس» جانە «استانا» وڭىرلىك قولباسشىلىقتارىنىڭ 1 300-دەن استام اسكەري قىزمەتشىسى سالتاناتتى تۇردە وتان الدىندا ادال قىزمەت ەتۋگە انت بەردى دەپ حابارلادى turkystan.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

سالتاناتتى ءىس-شارا جاس جاۋىنگەرلەردىڭ تۋعان-تۋىستارىنىڭ، قوعام وكىلدەرىنىڭ، قارۋلى كۇشتەر ارداگەرلەرىنىڭ قاتىسۋىمەن ءوتتى. جاس جاۋىنگەرلەردى وسى اتاۋلى كۇنمەن قۇتتىقتاۋ كەزىندە، اسكەري قىزمەت – بۇل ءاربىر جاۋىنگەرگە جۇكتەلگەن قۇرمەتتى مىندەت جانە زور جاۋاپكەرشىلىك ەكەنى اتاپ ءوتىلدى.

«اسكەردەگى ءبىر ايدىڭ ىشىندە كوپ نارسەنى ويىما ءتۇيدىم. وتاندى قورعاۋ – ول ناعىز ەر جىگىتتىڭ مىندەتى ەكەنىن ءتۇسىندىم. مەن وسى ۋاقىت ىشىندە دەنە دايارلىعىمدى شىڭداپ، ءوز ىسىمە جاۋاپ بەرىپ، مىقتى بولا ءبىلدىم. «انت» ءسوزىن مەن شىن جۇرەكتەن ۇعىنىپ ايتتىم جانە اسكەري مىندەتىمدى بار جان تانىممەن ورىندايمىن. تەڭىزگە شىعۋدى اسىعا كۇتەمىن، ول جەردەگى قىزمەتىم قىزىقتى وتەتىنىنە سەنىمدىمىن»، – دەدى نۇر-سۇلتان قالاسىنان اسكەري-تەڭىز كۇشتەرىنە شاقىرىلعان ماتروس ابىلايحان ءادىل.

انت قابىلداعاننان كەيىن اسكەري قىزمەتشىلەر جاس جاۋىنگەر كۋرسىندا ۇيرەنگەن قارۋدى قولدانۋ، ساپتىق دايىندىق جانە جەكپە-جەك تاسىلدەرىن كورسەتتى.

سالتاناتتى راسىمدەردەن كەيىن ءىس-شارانىڭ قوناقتارى مەن ساربازداردىڭ اتا-انالارىنا جاس جاۋىنگەرلەردىڭ وقۋ سىنىپتارى، كازارمالارى، اسحانا مەن سپورت زالدارى كورسەتىلىپ، اسكەري بولىمدەرگە ەكسكۋرسيا ۇيىمداستىرىلدى.

ءبولىم كومانديرلەرى ساربازداردىڭ اتا-انالارىمەن اڭگىمەلەسىپ، قىزىقتىرعان سۇراقتارىنا جاۋاپ بەردى.

ۇقساس جاڭالىقتار

Back to top button