زارداپ شەككەندەر بار: جەتىسۋ وبلىسىندا اۆتوبۋس اۋدارىلدى

زايسان-الماتى باعىتىندا كەلە جاتقان جولاۋشىلار اۆتوبۋسى اۋدارىلىپ، ءبىر ادام مەرت بولدى. ءۇش ادام ءتۇرلى دەنە جاراقاتىمەن اۋرۋحاناعا ءتۇستى دەپ حابارلادى turkystan.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، كولىك اپاتى الماتى-وسكەمەن تاس جولىنىڭ 396-شاقىرىمىندا بولعان.

«ماۋسىمنىڭ 11-ىنەن 12-سىنە قاراعان ءتۇنى اقسۋ اۋدانى تاراس اۋىلىنىڭ ماڭىندا جولاۋشىلار اۆتوبۋسى اۋدارىلدى. الدىن الا بولجام بويىنشا، Setra اۆتوبۋسىنىڭ 50 جاستاعى جۇرگىزۋشىسى رولگە يە بولا الماي قالعان. كولىك زايسان قالاسىنان الماتىعا قاراي كەلە جاتقان. وقيعا ورنىندا 66 جاستاعى ايەل مەرت بولدى، تاعى ءۇش ادام زارداپ شەگىپ، اۋرۋحاناعا ءتۇستى. جاراقات العانداردىڭ ىشىندە 7 جاستاعى قىز بالا بار»، – دەلىنگەن دەپارتامەنتتىڭ ءباسپاسوز قىزمەتى تاراتقان حابارلامادا.

ۆەدومستۆونىڭ اقپاراتىنا سايكەس، اتالعان جول-كولىك وقيعاسى بويىنشا قر قك 345-بابى 3-تارماعىنا سايكەس تەرگەۋ ءجۇرىپ جاتىر.
ساراپتامالار تاعايىندالعان.

ۇقساس جاڭالىقتار

Back to top button