وزبەكستاندا قازاق ۇلتتىق ورتالىعىنىڭ 30 جىلدىعى اتالىپ ءوتتى

9 – 10 ماۋسىم ارالىعىندا وزبەكستان مەملەكەتىندە «وزبەكستان – باقىتتى ۇلتتار مەكەنى» اتتى رەسپۋبليكالىق قازاق ۇلتتىق ورتالىعىنىڭ 30 جىلدىق مەرەيتويى ءوتتى دەپ حابارلادى turkystan.kz.

شارا وزبەكستان رەسپۋبليكاسى تاۋەلسىزدىك العاننان قازىرگى كۇنگە دەيىن كوپتەگەن ۇلتتاردىڭ ءبىر اسپان استىندا بەيبىت، ءبىر بولىپ ءومىر سۇرۋلەرىنە جاعداي جاساپ، «ەتنيك» سوزىنە لايىقتى دامىتۋ مەن ۇلتارالىق قاتىناستاردى نىعايتۋدا 30 جىل ىشىندە جاسالعان جۇمىستارمەن تانىستىرۋ ماقساتىندا ۇيىمداستىرىلدى.
مەرەيتويعا وزبەكستان رەسپۋبليكاسى مينيسترلەر كابينەتى قۇزىرىنداعى ۇلتارالىق قاتىناستار جانە شەت مەملەكەتتەرمەن دوستىق بايلانىستارى كوميتەتىنىڭ توراعاسى رۋستامبەك كۋربانوۆ، قر وزبەكستانداعى توتەنشە جانە وكىلەتتى ەلشىسى دارحان ساتىبالدى، وزبەكستانداعى رەسپۋبليكالىق قازاق مادەني ورتىلىعىنىڭ باسشىسى ۇسەنوۆ سەرىك، «وتانداستار قورى» قەاق پرەزيدەنتى ابزال ساپاربەك ۇلى مەن وزبەكستان ايماعىنداعى بارلىق اۋداندارىنداعى قازاق مادەني ورتالىقتارىنىڭ باسشىلارى مەن وزبەكستاندا تۇراتىن وزگە ۇلت ورتالىقتارىنىڭ وكىلدەرى قاتىستى.

وزبەكستاندا قازاق ۇلتتىق ورتالىعىنىڭ 30 جىلدىعى اتالىپ ءوتتى

بۇل ماڭىزدى شارا قازاقتىڭ قارلىعاش ءبيى تولە ءبيدىڭ جاتقان جەرىنە زيارات ەتىپ، قۇران باعىشتاۋدان باستاۋ الدى.

مىرزا ۇلىقبەك اتىنداعى وزبەكستان ۇلتتىق ۋنيۆەرسيتەتىندە ورتالىقتىڭ 30 جىلدىعىنا ارنالعان: «وزبەكستان قازاقتارى: ەكونوميكا، عىلىم جانە مادەنيەت» اتتى عىلىمي پراكتيكالىق كونفەرەنتسياسى ۇيىمداستىرىلدى. كونفەرەنتسيادا «ورتالىقتىڭ 30 جىلدا اتقارعان يگى شارالارى»، «قازاقستان مەن وزبەكستان اراسىنداعى ىڭتىماقتاستىقتىڭ كەلەشەگى»، «قازاقستان حالىقتارى اسسامبلەياسىنىڭ ۇلتارالىق قاتىناستاردى دامىتۋداعى ءرولى» مەن «شەت مەملەكەتتەرمەن دوستىق بايلانىستاردا قانداستاردىڭ ورنى» اتتى تاقىرىپتار قوزعالدى. سونىمەن قاتار، مەكەمباي ومار ۇلىنىڭ «تاشكەنت قازاقتارى تاريحى جانە مادەني ءومىرى» اتتى كىتاپ تۇساۋكەسەرى ءوتتى.

وزبەكستاندا قازاق ۇلتتىق ورتالىعىنىڭ 30 جىلدىعى اتالىپ ءوتتى

ءىس – شارا بارىسىندا بىرنەشە ماڭىزدى كەزدەسۋلەر ءوتتى. اتاپ ايتساق، وتانداستار قورى دەلەگاتسياسى وزبەكستان رەسپۋبليكاسى مينيسترلەر كابينەتى قۇزىرىنداعى ۇلتارالىق قاتىناستار جانە شەت مەملەكەتتەرمەن دوستىق بايلانىستار كوميتەتى جانە وزبەكستان «VATANDOSHLAR jamoat fondi» باسشىلىعىمەن كەزدەسىپ، ەكى جاقتى بىرلەسكەن جوبالار مەن تاجىريبە الماسۋ تاقىرىپتارى تالقىلاندى.
قازاق مادەني ورتالىقتىڭ 30 جىلدىعىنا ارنالعان ءىس-شارا دا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى، قورقىت اتا اتىنداعى قىزىلوردا ۋنيۆەرسيتەتى، م.اۋەزوۆ اتىنداعى وڭتۇستىك قازاقستان ۋنيۆەرسيتەتى، وڭتۇستىك قازاقستان مەملەكەتتىكى پەداگوگيكالىق ۋنيۆەرسيتەتى مەن م.ح.دۋلاتي اتىنداعى تاراز وڭىرلىك ۋنيۆەرسيتەتتەرىنىڭ قاتىسۋىمەن «ءبىلىم» كورمەسى ۇيىمداستىرىلدى.

مەرەيتوي تاشكەنت قالاسىنىڭ «تۇركىستون» كونتسەرتتىك سارايىندا قازاق ۇلتى وكىلدەرىنىڭ كورنەكتى سۋرەتشىلەرى، قولونەر بۇيىمدارى جانە جازۋشىلار كىتاپتارىنىڭ كورمەسى ءوتتى. ەكى كۇندىك باعدارلامانىڭ سوڭىندا قازاقستاندىق انشىلەردىڭ قاتىسۋىمەن وتكەن گالا-كونتسەرتپەن اياقتالدى. گالا كونتسەرتكە ەلىمىزدىڭ تانىمال حالىق ءارتىسى مايرا مۇحامبەتجانقىزى، ج.شانين تەاترىنىڭ ارتىستەرى، ەسترادا انشىلەرى مەن قازىنا بي توبى، وركەستر ارتىستەرى جانە وپەرا بالەت تەاترىنىڭ بالەت توبى شاقىرىلىپ، ءوز ونەرلەرىن كورسەتتى.

وزبەكستاندا قازاق ۇلتتىق ورتالىعىنىڭ 30 جىلدىعى اتالىپ ءوتتى

كونتسەرتتىك شارا «وتانداستار قورى»، شىمكەنت قالاسىنىڭ اكىمشىلىگىنىڭ قولداۋىمەن ۇيىمداستىرىلدى.
بۇگىندە وزبەكستان رەسپۋبليكاسىندا 7 قازاق مادەني ورتالىق بار. اتاپ ايتساق، تاشكەنت، ناۋاي، حورەزم، بۋحارا، نۋكۋس، سىرداريا. ءار ميدەني ورتالىق ءوز ورنالاسقان مەكەننىڭ اتىمەن اتالعان.

سونىمەن قاتار 360 قازاق مەكتەبى، 20-دان اسا جوعارعى دارەجەلى عالىمدار بار.

3 ءماجىلىس، 2 سەنات جانە 500 اسا جەرگىلىكتى كەڭەس دەپۋتاتتارى بار.

وزبەكستان بويىنشا، بۇگىندە 6 قازاق تىلىندە حابار تاراتاتىن بۇقارالىق اقپارات قۇرالدارى بار.

ۇقساس جاڭالىقتار

Back to top button