سوتتالعان ازامات گرانت ۇتىپ الدى

تارازدا سوتتالعان ازامات 400 اەك گرانت ۇتىپ الدى دەپ حابارلادى turkystan.kz Polisia.kz سايتىنا سىلتەمە جاساپ.

تاراز قالالىق №3 پروباتسيا قىزمەتىنىڭ ەسەبىندە تۇرعان سوتتالعان ازامات ءوز كاسىبىن اشۋعا مۇمكىندىك بەرەتىن مەملەكەتتىك گرانت ۇتىپ الدى. ول قايتارىمسىز گرانتقا قول جەتكىزۋ ءۇشىن «بيزنەستىڭ جول كارتاسى – 2025» جوباسى ارقىلى 3 ايلىق كۋرستى ءتامامداپ، ناتيجەسىندە 400 اەك مولشەرىندەگى گرانتقا قول جەتكىزدى.

«پروباتسيا قىزمەتكەرلەرىنىڭ كومەگىمەن اتالعان جوبا بويىنشا 3 اي وقىپ، قولىما سەرتيفيكاتىمدى الدىم. بىلىكتى مامانداردان ءتالىم الىپ، قايتارىمسىز گرانتقا قول جەتكىزدىم. الدىما قويعان ارمانىم، جوسپارىم بار. ەندى، مىنە، مەملەكەتتەن بەرىلگەن كومەكتىڭ ارقاسىندا مال شارۋاشىلىعىن اشىپ، كاسىبىمدى دوڭگەلەتسەم دەگەن ويدامىن» ، – دەدى ەسەپتەگى ازامات.

جالپى، قازىرگى تاڭدا ءدال وسى پروباتسيا بولىمىندە مەملەكەت تاراپىنان بەرىلەتىن قايتارىمسىز گرانت الۋعا تاعى 15 سوتتالعان ازامات نيەت ءبىلدىردى. ولاردىڭ ءبىرى – شاعىن اعاش وڭدەۋ تسەحىن اشۋدى كوزدەسە، ەكىنشىسى – قۇرىلىس سالاسىندا سمەتالىق جوبا ازىرلەۋدى قولعا الماق. تاعى ءبىرى – شاشتاراز سىندى جەكە كاسىپتەرىن اشىپ، ەل يگىلىگىنە جۇمىس جاساۋدى جوسپارلاپ وتىر.

ۇقساس جاڭالىقتار

Back to top button