تاعى ءبىر رەپەر كونتسەرتتە ماس كۇيىندە ونەر كورسەتتى

اقتوبەدە كونتسەرت بەرگەن نۋريك ءسميتتىڭ ەرسى قىلىعى كورەرمەننىڭ اشۋ-ىزاسىنا ءتيدى دەپ حابارلادى turkystan.kz.

كونتسەرتتە ول ءوزىن دورەكى ۇستاپ، بالاعات سوزدەر ايتقان. الەۋمەتتىك جەلىدە تاراعان ۆيدەودان ونىڭ ماس كۇيدە بولعانىن بايقاۋعا بولادى.

اقتوبەدەگى شۋلى كونتسەرتتەن كەيىن نۇرعيسا كەشىرىم ۆيدەوسىن ءتۇسىرىپ، قاتەلەسكەنىنە تۇسىنىستىكپەن قاراۋعا شاقىردى.

«مەنىڭ ەسىمىم نۇرعيسا. مەن قازىر اقتوبە تۇرعىندارىنان جانە بارشا قازاق ەلىنەن كەشىرىم سۇراعىم كەلەدى. مەن ساحناعا ىشىمدىك ءىشىپ الىپ شىققانىم ءۇشىن جانە ساحناعا شىعىپ بالاعات سوزدەر ايتقانىم ءۇشىن، ءوزىمدى دۇرىس ۇستاماعانىم ءۇشىن كەشىرىم سۇرايمىن. مۇنداي ءىس ەكىنشى قايتالانبايدى، سىزدەرگە ءسوز بەرەمىن. ءبارىمىز پەندەمىز، ءبارىمىز قاتەلەسەمىز، ءبارىمىز قاتەلەسىپ وسەمىز. كوپ-كوپ راقمەت»، – دەدى رەپەر.

ۇقساس جاڭالىقتار

Back to top button