بۋكمەكەرلىك كەڭسەلەر - قۇمار ويىندار اراسىندا ءبىرىنشى ورىندا

سوڭعى بىرنەشە ونجىلدىقتا الەۋمەتتىك جەلىلەر حالىقتىڭ كۇندەلىكتى ءومىرىنىڭ اجىراماس بولىگىنە اينالدى. الايدا، يننوۆاتسيالىق ونەرتابىس تەك ارتىقشىلىقتارعا عانا ەمەس، سونىمەن بىرگە قاۋىپتەرگە دە يە.

لۋدومانيا – الەۋمەتتىك جەلىلەرگە تاۋەلدىلىك جانە YouTube ۆيدەوحوستينگى ماسەلەلەرىن تالقىلاۋ بارىسىندا ساراپشىلار وسىنداي بايلامعا كەلدى.

كەزدەسۋ ازاماتتىق باستامالاردى قولداۋ ورتالىعىنىڭ قولداۋىمەن «جاستار مەن بالالار اراسىندا ينتەرنەتكە جانە YouTube-كە تاۋەلدىلىك پەن قۇمار ويىنداردىڭ الدىن الۋ جونىندەگى شارالار كەشەنىن ازىرلەۋ جانە ىسكە اسىرۋ» جوباسى اياسىندا ءوتتى.

«بۇگىنگى وتىرىسىمىز قوعام ءۇشىن ماڭىزدى. ونىڭ وزەكتىلىگى، بىرىنشىدەن، ينتەرنەتتى پايدالانۋشىلار مەن «ويىنشىلاردىڭ» سانىنىڭ وسۋىمەن انىقتالادى، ەكىنشىدەن، بۇل حوببي جەكە ادامعا جانە تۇتاستاي قوعامعا زياندى اسەر ەتەدى، ۇشىنشىدەن، ويىنعا تاۋەلدىلىك ماسەلەسى ءالى كوپتەگەن زەرتتەۋدى تالاپ ەتەدى. بۇل تاقىرىپ بويىنشا تولىق جانە وبەكتيۆتى اقپارات جوق»، – دەپ اتاپ ءوتتى جاستار قاناتى توراعاسىنىڭ ورىنباسارى ايسۇلۋ ەرنيازوۆا.

سونداي-اق وتىرىستا «AMANAT» پارتياسى قوعامدىق ساياسات ينستيتۋتى ديرەكتورىنىڭ ورىنباسارى احمەتجانوۆ سەرىك، پسيحولوگ تۇرعازى ايدا جانە فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ دوتسەنتءى وڭايگۇل تۇرجان بۇل ماسەلەگە قاتىستى ءوز پىكىرلەرىمەن ءبولىستى.

بۋكمەكەرلىك كەڭسەلەر - قۇمار ويىندار اراسىندا ءبىرىنشى ورىندا

«قازىرگى ۋاقىتتا عاسىردىڭ ەڭ وزىق جەتىستىگى ءارى سىرقاتى بولىپ سانالاتىن عالامتوردىڭ جاستارىمىزعا پايداسى مەن زيانى قاتار ءتيىپ وتىر. شامادان تىس تاۋەلدىلىكتىڭ سالدارىنان جاستاردىڭ دەنساۋلىعى عانا ەمەس، ويلاۋ، سويلەۋ، جازۋ مادەنيەتى دە تومەندەپ بارادى. اقپاراتتىق يممۋنيتەتتىڭ قالىپتاسپاۋىنان، اقپاراتتىڭ دۇرىسى مەن بۇرىسىن ساراپتاي المايتىن جاستار كوبەيدى. وسى ورايدا، جاستاردىڭ ارناسىن ءتۇرلى پاندىك وليمپيادالارعا، عىلىمي جۇمىستارعا باعىتتاۋ قاجەت. ەگەر ىنتالاندىرۋ تەتىكتەرىن جەتىلدىرسە، ءتيىمدى ۇيلەستىرسە جاستاردىڭ، اسىرەسە جەتكىنشەكتەردىڭ جەلىدەگى ۋاقىتتارى ازايۋىنا ءبىر سەپتىگىن تيگىزەر ەدى»، – دەيدى فيلولوگيا عىلىمدارىنىڭ كانديداتى، ەۋرازيا ۇلتتىق ۋنيۆەرسيتەتىنىڭ دوتسەنتى وڭايگۇل ىزتۇرعانقىزى.

ال، پسيحولوگ تۇرعازى ايدانىڭ ايتۋىنشا:

«ماسەلەنىڭ كەڭ تارالۋىن انىقتاۋىمىز قاجەت، سەبەبى ونىڭ تۇبىرىندە  وعان اسەر ەتۋشى فاكتورلار جيىنتىعى تۇر. بۇل سالا ماماندارىنىڭ ارالاسۋىنسىز شەشىلە قالاتىن دۇنيە ەمەس. سەبەبى، وتباسىلىق جاعداي، كۇندەلىكتى ومىردەگى ماسەلەلەردەن ءبىر ساتكە الىستاۋ، ونى الماستىرۋ سىندى فاكتورلور كوپ. سول سەبەپتى كومپلەكستى جۇمىستى جەتىلدىرۋىمىز قاجەت»،- دەيدى پسيحولوگ.

زەرتتەۋ ناتيجەلەرىنە سۇيەنسەك، قۇمار ويىندار تاۋەلدىلىك بولىپ تابىلادى. قوعامدىق ساياسات ينستيتۋتى ديرەكتورىنىڭ ورىنباسارى  سەرىك احمەتجانوۆ جاستار ءۇشىن الەۋمەتتىك جەلىلەر مەن ينتەرنەت تەك ويىن-ساۋىق قۇرالى نەمەسە جاڭالىقتار كوزى عانا ەمەس، سونىمەن قاتار  ساتىپ الۋ نەمەسە ءتۇرلى قىزمەتتەردى الۋ ءۇشىن قىزمەت ەتەدى.

ۇيىمداستىرۋشىلاردىڭ ايتۋىنشا، جوبا اياسىندا جاقىن ارادا بۇكىل ەل بويىنشا جاستار مەن بالالار اراسىندا ينتەرنەتكە تاۋەلدىلىكتىڭ، قۇمار ويىندار مەن كيبەربۋللينگتىڭ جوعارى دەڭگەيى بار وڭىرلەردى انىقتاۋ بويىنشا توپتىق تالقىلاۋلار جۇرگىزىلەدى، وسى سالاداعى قازاقستاندىق جانە شەتەلدىك زاڭنامالىق اكتىلەرگە تالداۋ، عالامتور جەلىلەرىنە  مونيتورينگ جۇرگىزىلمەك، سونداي-اق قۇمار ويىنى سايتتارىنىڭ ءتىزىمى ۇسىنىلادى.

ۇقساس جاڭالىقتار

Back to top button