ەلوردادا تمد ەلدەرى ەكونوميكالىق كەڭەسىنىڭ وتىرىسى ءوتتى

بۇگىن پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆتىڭ توراعالىعىمەن تمد ەكونوميكالىق كەڭەسىنىڭ 94-وتىرىسى ءوتتى دەپ حابارلادى turkystan.kz.

ءىس-شارادا كوپجاقتى ەكونوميكالىق ىنتىماقتاستىقتىڭ كەڭ اۋقىمدى ماسەلەلەرى قارالدى. كۇن تارتىبىنە 15 ماسەلە ەنگىزىلدى.

وتىرىس بارىسىندا قاتىسۋشىلار تۋىنداعان پروبلەمالارعا دەن قويۋدىڭ بىرلەسكەن شارالارىنىڭ تىزبەسىن ماقۇلدادى.

باقىت سۇلتانوۆتىڭ ايتۋىنشا، تمد-عا قاتىسۋشى مەملەكەتتەردەگى ەكونوميكالىق جاعدايدىڭ مونيتورينگى بويىنشا ساراپشىلار توبى دايىنداعان بۇل قۇجات ۇلتتىق ەكونوميكالارعا سىرتقى ەكونوميكالىق قاتەرلەردى نيۆەليرلەۋگە، ءتۇرلى سالالارداعى ءوزارا ءتيىمدى ىنتىماقتاستىقتى ارتتىرۋعا باعىتتالعان.

«بۇگىنگى كۇردەلى ەكونوميكالىق جاعدايدا ساۋدا-ونەركاسىپ پالاتالارىنىڭ ىنتىماقتاستىعى ساۋدا جانە كووپەراتسيالىق بايلانىستاردىڭ تۇراقتىلىعىن قامتاماسىز ەتۋدە، الەۋمەتتىك ماڭىزى بار تاۋارلاردىڭ تاپشىلىعىن بولدىرماۋ، شاعىن جانە ورتا بيزنەستىڭ باسەكەگە قابىلەتتىلىگىن ارتتىرۋ بويىنشا قوسىمشا رەزەرۆتەر ىزدەۋدە ەلدەرىمىزدىڭ كاسىپكەرلىك قوعامداستىعىنا جاردەمدەسۋى ءتيىس»، – دەدى باقىت سۇلتانوۆ.

وتىرىستا بىرقاتار قۇجاتقا قول قويىلدى. ونىڭ ىشىندە بۇگىنگى قيىن جاعدايدا، ياعني ەكونوميكانىڭ تەرىس اسەرلەرىنە قارسى شارالارىن قابىلداۋ تۋرالى دا بار.

«قىزمەتتەردىڭ ساۋداسى تۋرالى، حالىقارالىق كەلىسىمدى ازىرلەۋ جۇمىسىن تالقىلادىق. قازىرگى كۇنى بارلىق مەملەكەتتە ءتيىستى جۇمىس جۇرگىزىلىپ جاتىر. بۇل بۇگىنگى قولدانىستاعى تاۋارلاردىڭ ساۋداسى تۋرالى كەلىسىممەن بىرگە ءبىزدىڭ مەملەكەتتەرىمىزگە قوسىمشا مۇمكىندىكتەر بەرەدى. ءبىز باسقا دا لوگيستيكالىق كولىك ماسەلەلەرىن دە تالقىلاپ جاتىر. سوعان سايكەس ءتيىستى قۇجاتتار قابىلداندى»، – دەدى باقىت سۇلتانوۆ.

دەلەگاتسيا باسشىلارى ەكونوميكالىق كەڭەستىڭ كەزەكتى 95-وتىرىسىن 23 قىركۇيەكتە ماسكەۋدە وتكىزەتىن بولدى.

 

ۇقساس جاڭالىقتار

Back to top button