«وزگەرىستەر مەن تولىقتىرۋلار ەلدىڭ بولاشاعىنا اسەر ەتەتىن ماڭىزدى شەشىم» – ساياسات نۇربەك

ءماجىلىس دەپۋتاتى، «Amanat» پارتياسى فراكتسياسىنىڭ مۇشەسى ساياسات نۇربەك ەلىمىزدە وتكەن  رەفەرەندۋم مەملەكەت پەن حالىقتىڭ ءوزارا قاتىناسىنىڭ دەموكراتيالىق ءتاسىلى ەكەنىن ايتتى. بۇل تۋرالى ول Facebook-تەگى پاراقشاسىندا جازدى دەپ حابارلادى turkystan.kz.

 «كونستيتۋتسياعا وزگەرىستەر مەن تولىقتىرۋلاردى قابىلداۋ بويىنشا رەفەرەندۋم قورىتىندىسى كورسەتكەندەي قازاقستان حالقى ۇسىنىلعان وزگەرىستەر مەن تولىقتىرۋلاردى قولدادى.  8 ميلليونعا جۋىق سايلاۋشى ازاماتتىق ۇستانىمىن كورسەتىپ، 5 ماۋسىمدا داۋىس بەردى.  

رەفەرەندۋم –  مەملەكەت پەن حالىقتىڭ ءوزارا قاتىناسىنىڭ دەموكراتيالىق ءتاسىلى. جالپىحالىقتىق داۋىس بەرۋ ارقىلى تۇزەتۋلەردى قابىلداۋ ولاردىڭ زاڭدىلىعىن قامتاماسىز ەتە وتىرىپ، ازاماتتارمەن ديالوگقا مۇددەلى مەملەكەتتىڭ ساياساتىن كورسەتەدى»، –  دەيدى ساياسات نۇربەك. 

دەپۋتات بەرىلگەن قىسقا مەرزىمگە قاراماستان داۋىس بەرۋدىڭ ۇيىمداستىرىلۋى مەن وتكىزىلۋى ءساتتى وتكەنىن جەتكىزدى. سونداي-اق كەز كەلگەن ەنگىزىلەتىن وزگەرىس حالىقتىڭ بولاشاعى ءۇشىن ماڭىزدى شەشىم ەكەنىن اتاپ ءوتتى.

«ۋاقىتتىڭ تىعىزدىلىعىنا قاراماستان، داۋىس بەرۋدى ۇيىمداستىرۋ جانە وتكىزۋ ءساتتى ءوتتى. بۇل سايلاۋشىلاردىڭ زاڭ تالاپتارىنان اسىپ ءتۇسۋى، رەفەرەندۋمدى ۇيىمداستىرۋ ءتارتىبىن بۇزۋ تۋرالى جاپپاي حابارلامالاردىڭ جانە اكىمشىلىك رەسۋرستاردى پايدالانۋ تۋرالى شاعىمداردىڭ بولماۋىمەن راستالادى. 

كونستيتۋتسيا – مەملەكەتىمىزدىڭ نەگىزگى قاعيدالارى مەن باعدارلارىن ايقىندايتىن ىرگەلى زاڭنامالىق اكت. سوندىقتان كەز كەلگەن وزگەرىستەر مەن تولىقتىرۋلاردى ەلدىڭ، حالىقتىڭ بولاشاعىنا اسەر ەتەتىن ماڭىزدى شەشىم دەۋگە بولادى. قورىتا ايتقاندا، حالىقتىق داۋىس بەرۋ جاڭا تاريحي ءداۋىردى بەلگىلەدى! العا جاڭا قازاقستان!»، – دەدى حالىق قالاۋلىسى. 

 

ۇقساس جاڭالىقتار

Back to top button