Әділет министрлігі аппаратының басшысы қызметінен кетті

Әділет министрінің бұйрығымен Асқар Ерболатұлы Үмбетәлиев ҚР Әділет министрлігі аппаратының басшысы қызметінен босатылды деп хабарлады turkystan.kz  ҚР Премьер-министрінің баспасөз қызметіне сілтеме жасап. Асқар Үмбетәлиев 1980 жылы Қызылорда облысында дүниеге келген. Қазақ мемлекеттік заң университетін, Алматы экономика университетін, King’s College London-ды (Ұлыбритания) тәмамдаған. Еңбек жолын 1997 жылы «КазЮжBодСтрой» АҚ-да 4-разрядты монтаждаушы болып бастады. Әр жылдары Қаржы, Әділет министрліктерінің, «СҚ-Фармация» ЖШС құрылымдарында жұмыс істеді. 2016-2020 жылдары ҚР Әділет министрлігінің сараптама қызметін ұйымдастыру, ішкі әкімшілендіру департаменттерінде әртүрлі лауазымдарда қызмет етті; ҚР Әділет министрлігінің Сот сараптамалары орталығын басқарды. 2021 жылғы ақпан айынан бастап ҚР Әділет министрлігі аппаратының басшысы қызметін атқарып келді.