«Өңірдегі құқықбұзушылықтарды анықтау мақсатында табиғатты қорғау полиция қызметкерлері, жылдам қимылдайтын арнайы жасақ және патрульдік полиция батальоны мен рота қызметкерлерінен бес топ құрылды. Нәтижесінде, 90 заңбұзушылық анықталды. Оның ішінде, балық аулау қағидасын бұзғаны үшін 74 тұлғаға қатысты ӘҚБтК-нің 383-бабымен (Балық аулау және балық ресурстары мен басқа да су жануарларын қорғау қағидаларын бұзу) хаттамалар жасақталды. 13 адам ҚР Қылмыстық кодексінің 339-бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) және 3 адам осы кодекстің 335-бабы (Балық ресурстарын, басқа да су жануарларын немесе өсiмдiктерін заңсыз алу) бойынша заң алдында жауап береді. Жалпы, табиғатты қорғау заңнамасын бұзушылардан 1099 келі бекіре тұқымдас және 46 келі ұсақ балықтар, итбалықтың майы мен терісі тәркіленді. Сондай-ақ 500 метр бекіре тұқымдас балығын аулауға арналған ау және «Байда» мен екі резеңке қайық анықталды», - делінген хабарламада.«Бекіре-2022» жедел-профилактикалық іс-шарасы балық және балық өнімдерін заңсыз аулау, сату, тасымалдау фактілерінің алдын алу мен анықтау мақсатында өткізілді. Заңсыз балық тасу, сатумен айналысқандар тарапынан келтірілген мемлекеттік шығын әр іс бойынша сот үкімінің шешімі шыққаннан кейін өндіріледі.
1 тоннадан астам балық аулаған браконьерлер ұсталды
1 тоннадан астам балық аулаған браконьерлер ұсталды
Маңғыстауда «Бекіре-2022» жедел-профилактикалық іс-шарасы аясында 1 тоннадан астам бекіре тұқымдас балық аулаған браконьерлер ұсталды деп хабарлады turkystan.kz Polisia.kz сайтына сілтеме жасап.