توقاەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتىمەن كەزدەستى

مەملەكەت باسشىسى ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن كەزدەستى دەپ حابارلادى turkystan.kz.

پرەزيدەنت قاسىم-جومارت توقاەۆ شەتەلدىك ينۆەستورلار كەڭەسىنىڭ 34-وتىرىسىنا قاتىسۋ ءۇشىن قازاقستانعا كەلگەن ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن كەزدەسۋ وتكىزدى.

كەزدەسۋ بارىسىندا ەلىمىزدە ينفراقۇرىلىم، ترانزيتتىك تاسىمال، ەكونوميكانى كومىرتەگىنەن ارىلتۋ، ەكونوميكا جانە قارجى سەكتورى سالالارىنداعى بىرقاتار ينۆەستيتسيالىق جوبانى جۇزەگە اسىرۋدىڭ پەرسپەكتيۆالارى تالقىلاندى. سونداي-اق ولار الەمدىك ەكونوميكانى دامىتۋدىڭ وزەكتى ماسەلەلەرى جونىندە پىكىر الماستى.

وديل رەنو-باسسو قاسىم-جومارت توقاەۆتى جالپىۇلتتىق رەفەرەندۋمنىڭ ءساتتى وتۋىمەن قۇتتىقتاپ، ونىڭ ناتيجەلەرى شەتەلدىك ينۆەستورلاردىڭ ەلىمىزگە دەگەن سەنىمىن ودان ءارى نىعايتا تۇسەتىنىن اتاپ ءوتتى. سونىمەن قاتار قازاقستان ەكونوميكاسىن دامىتۋدىڭ جانە ەلدىڭ قارجى جۇيەسىن نىعايتۋدىڭ پەرسپەكتيۆالارى تۋرالى كوزقاراسىن ءبىلدىردى.

ۇقساس جاڭالىقتار

Back to top button