ماڭىزدى كەزەڭگە قادام باستىق – نۇرلىبەك وجاەۆ

AMANAT پارتياسى ساياسي كەڭەسىنىڭ جانە پارلامەنت ماجىلىسىندەگى فراكتسياسىنىڭ مۇشەسى نۇرلىبەك وجاەۆ كونستيتۋتسياعا ەنگىزىلەتىن وزگەرىستەر مەن تولىقتىرۋلار بويىنشا وتكەن رەفەرەندۋمعا قاتىستى پىكىرىن ءبىلدىردى دەپ حابارلادى turkystan.kz.

«5 ماۋسىمدا ەلىمىزدە وتكەن جالپىحالىقتىق رەفەرەندۋمدا ازاماتتار تاڭداۋىن جاسادى. سايلاۋ ۋچاسكەسىنە كەلگەن ەل تۇرعىندارى ماڭىزدى قوعامدىق ساياسي رەفورماعا داۋىس بەرۋ ارقىلى مەملەكەتىمىزدە تۇبەگەيلى وزگەرىستەر جاسالۋىن قالايتىنىن كورسەتتى. كوپشىلىك ماقۇلداپ، كونستيتۋتسيالىق سيپاتقا يە بولعان بۇل رەفورمالار ساياسي جۇيەدەگى تاكتيكالىق وزگەرىستەرگە ەمەس، ساياسي جاڭعىرۋ ءۇشىن ينستيتۋتسيونالدىق جاعدايلار جاساۋعا باعىتتالعان. كونستيتۋتسيالىق رەفورما ساياسي باسەكەلەستىك ءۇشىن جاعداي جاساۋعا جانە ازاماتتاردىڭ ساياساتتا بەلسەندىلىگىن ارتتىرۋعا زور مۇمكىندىك تۋعىزىپ، مەملەكەتتىگىمىزدىڭ تۇعىرناماسىن وزگەرتىپ، ەلدىگىمىزدىڭ وركەندەۋىنە وڭ ىقپال ەتتى. وندا قاراستىرىلعان اۋقىمدى دا ماڭىزدى باستامالاردى ىسكە اسىرۋ – ەلىمىزدەگى بۇكىل ساياسي جۇيەنى قايتا باستاۋعا مۇمكىندىك بەرەدى»، – دەدى نۇرلىبەك وجاەۆ.

ونىڭ ايتۋىنشا، جاڭارعان قوعامدا ءومىر ءسۇرىپ، ونى كەيىنگى ۇرپاققا تابىستاۋ –  بىزگە ارتىلعان ۇلكەن مىندەت.

«ماڭىزدى كەزەڭگە قادام باستىق. الدىمىزدا – ورتاق جۇمىس، ناقتى ماقسات جەتەرلىك. سوندىقتان بىرلىگى بەكەم قازاقستان حالقىنىڭ جاڭارعان قوعامدا ءومىر ءسۇرۋ، ونى كەيىنگى ۇرپاققا تابىستاۋ – قازىرگى بۋىن، بىزگە ارتىلعان ۇلكەن مىندەت. سول ۇدەدەن شىعۋ جولىندا جۇرەگى «ەلىم»، «وتانىم» دەپ سوققان ءاربىر ادامنىڭ ءوز دەڭگەيىندە، قازاقستانىمىزدىڭ گۇلدەنىپ، دامۋى جولىندا ايانباي، تاباندى ەڭبەك ەتۋى ەلىمىزدىڭ شىنايى جاناشىرى رەتىندەگى ازاماتتىق پارىزى دەپ تۇسىنەمىن»، – دەدى نۇرلىبەك وجاەۆ.

 

ۇقساس جاڭالىقتار

Back to top button