ءبىر وتباسىنىڭ كەسىرىنەن مەملەكەتكە 1 ملرد تەڭگە سالىق تۇسپەگەن

تارازدىق ءبىر وتباسى جالعان شوت-فاكتۋرالاردى شىعارۋ بويىنشا ۇيىمداسقان قىلمىستىق توپتى باسقارعانى انىقتالدى دەپ حابارلادى turkystan.kz قارجىلىق مونيتورينگ اگەنتتىگىنىڭ ءباسپاسوز قىزمەتى.

«قارجىلىق مونيتورينگ اگەنتتىگىنىڭ جامبىل وبلىسى بويىنشا اۋماقتىق دەپارتامەنتى «كومەكوۆتەر» ۇيىمداسقان قىلمىستىق توبىنا قاتىستى قىلمىستىق ءىستى تەرگەدى. كومەكوۆتەر ۇيىمداسقان قىلمىستىق توپتىڭ 7 بەلسەندى مۇشەسىن باسقارعانى، ولاردىڭ ارقايسىسى جالعان كاسىپورىنداردىڭ تۇتاس جەلىسى ارقىلى ءىس جۇزىندە جۇمىس ىستەمەي، شوت-فاكتۋرالاردى بەرۋدىڭ قىلمىستىق سحەماسىندا بەلگىلەنگەن قىزمەت جاساعانى انىقتالدى. ولاردىڭ شىن مانىندە جۇمىسشىلار شتاتى مەن وندىرىستىك بازاسى بولمادى جانە كونتراگەنتتەرگە جالعان شوت-فاكتۋرالار بەرۋ ارقىلى سالىقتان جالتارۋعا كومەكتەسۋ ءۇشىن عانا قۇرىلعان»، – دەلىنگەن حابارلامادا.

قما مالىمەتى بويىنشا، ۇيىمداسقان قىلمىستىق توپتىڭ زاڭسىز ارەكەتىنىڭ سالدارىنان مەملەكەت بيۋدجەتىنە سالىق تۇرىندەگى 1 ميلليارد تەڭگەدەن استام قاراجات تۇسپەگەن.

سوت ۇيىمداسقان قىلمىستىق توپ مۇشەلەرى ساتىپ العان ورال قالاسىنداعى كەڭسەسىن جانە سوتقا دەيىنگى ءىس جۇرگىزۋ كەزىندە تاركىلەنگەن 17 ميلليون تەڭگەدەن استام قاراجاتتى تاركىلەۋمەن قاتار، مەملەكەتتىك كىرىستەر ورگانداردىڭ 10 ملرد تەڭگەدەن استام سوماعا كەلتىرىلگەن زالال سوماسىن وتەپ بەرۋ تۋرالى ازاماتتىق تالاپ ارىزىن دا قاناعاتتاندىردى.

سوت ۇكىمىمەن ۇيىمداسقان قىلمىستىق توپقا قاتىسۋشىلار تۇزەۋ مەكەمەلەرىندە 3 جىلدان 5 جىلعا دەيىن ءارتۇرلى مەرزىمگە باس بوستاندىعىنان ايىرىلدى. كومەكوۆتەردەن قىلمىستىق جولمەن تاپقان مۇلكى تاركىلەنىپ، 7 جانە 10 جىلعا باس بوستاندىعىنان ايىرىلدى.

ۇقساس جاڭالىقتار

Back to top button