«رەفەرەندۋم اشىق ءارى ءادىل ءوتتى» – يسلامبەك داستان ۇلى

«جامبىل وبلىسى ازاماتتىق اليانسى» زتب پرەزيدەنتى يسلامبەك داستان 5 ماۋسىمدا وتكەن رەفەرەندۋمعا بايلانىستى پىكىر ءبىلدىردى دەپ حابارلادى turkystan.kz.

«رەفەرەندۋم شەتەلدىك باقىلاۋشىلاردىڭ جوعارى باعاسىنا يە بولدى. ول جالپىۇلتتىق رەفەرەندۋمنىڭ دەموكراتيا تالاپتارىنا ساي وتكەنىن كورسەتەدى.  مەن دە باقىلاۋ كوميسسياسىنىڭ قاتارىندا بولدىم. سوندىقتان ءادىل ءوتتى دەپ ايتا الامىن. تۇرعىندار دا بەلسەندىلىك تانىتتى»، – دەدى يسلامبەك داستان.

ول رەفەرەندۋمدى جاڭا قازاقستان قۇرۋ جونىندەگى ساياسي رەفورمالاردى جۇزەگە اسىرۋدىڭ العىشارتى ەكەنىن ايتتى.

«جاڭا قازاقستاندى قالىپتاستىرۋ جولىندا حالىق داۋىس بەرىپ، مەملەكەتكە ءۇمىت ارتىپ وتىر. كونستيتۋتسياعا ەنگىزىلەتىن وزگەرىستەر حالىقتىڭ ءال-اۋقاتىن ارتتىرادى دەپ سەندى. مەن دە ارقاشان زاڭنىڭ ۇستەم بولاتىنىنا سەنەمىن»، – دەدى «جامبىل وبلىسى ازاماتتىق اليانسى» زتب پرەزيدەنتى.

ۇقساس جاڭالىقتار

Back to top button