ەقىۇ قازاقستاندا وتكەن رەفەرەندۋمعا باعا بەردى

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى نۇرلان ءابدىروۆ ەقىۇ/دياقب-نىڭ رەفەرەندۋمدى باعالاۋ جونىندەگى ميسسياسىنىڭ باسشىسى تاماش مەسەريچپەن كەزدەستى دەپ حابارلادى turkystan.kz.

كەزدەسۋگە قر وسك توراعاسىنىڭ ورىنباسارى كونستانتين پەتروۆ، قر وسك حاتشىسى مۇحتار ەرمان، سونداي-اق ميسسيا باسشىسىنىڭ ورىنباسارى دومينيك حوۋەلل، ميسسيانىڭ ساياسي ماسەلەلەر جونىندەگى مامانى راشاد شيرينوۆ، ميسسيانىڭ سايلاۋ ماسەلەلەرى جونىندەگى مامانى ادينا بوركان قاتىستى.

قازاقستان رەسپۋبليكاسى ورتالىق سايلاۋ كوميسسياسىنىڭ باسشىسى نۇرلان ءابدىروۆ ەقىۇ/دياقب-نىڭ رەفەرەندۋمدى باعالاۋ جونىندەگى ميسسياسىنا رەفەرەندۋمدى بايقاۋ بويىنشا اتقارعان جۇمىسى ءۇشىن العىسىن ءبىلدىردى.

ءوز كەزەگىندە، ەقىۇ/دياقب رەفەرەندۋمدى باعالاۋ جونىندەگى ميسسياسىنىڭ باسشىسى تاماش مەسەريچ ورتالىق سايلاۋ كوميسسياسىنىڭ باسشىلىعىن 2022 جىلعى 5 ماۋسىمدا وتكەن رەسپۋبليكالىق رەفەرەندۋمعا دايىندىق پەن ونى وتكىزۋ جونىندەگى جۇمىستىڭ اياقتالۋىمەن قۇتتىقتاپ، رەفەرەندۋم ۇيىمداستىرۋشىلارىنا رەفەرەندۋم كوميسسيالارىنىڭ بارلىق دەڭگەيلەرىندە ميسسيامەن ءتيىمدى ءوزارا ءىس-قيمىل جاساعانى ءۇشىن العىس ايتتى.

 

ەقىۇ قازاقستاندا وتكەن رەفەرەندۋمدى قالاي باعالادى؟ 2

كەزدەسۋ سوڭىندا تاراپتار تۇراقتى كونسۋلتاتسيالار رەجيمىندە جانە سايلاۋارالىق كەزەڭدە قر وسك-نىڭ ەقىۇ/دياقب-مەن تىعىز ىنتىماقتاستىعىن جالعاستىرۋعا دايىندىعىن راستادى.

ۇقساس جاڭالىقتار

Back to top button