رەسەيلىك ايەل 5 جىل بويى قازاقستاننان زەينەتاقى الىپ جۇرگەن

رەسەي ازاماتى بەس جىل بويى قازاقستاننان زەينەتاقى الىپ كەلگەن دەپ حابارلادى turkystan.kz Polisia.kz سايتىنا سىلتەمە جاساپ.

1 ماۋسىمدا وسكەمەندە كوشى-قون قىزمەتكەرلەرى قوس ازاماتتىق العان ايەلدى انىقتاعان. 64 جاستاعى ايەل 17 جىلدان بەرى كورشى ەل ازاماتى بولا تۇرا، قازاقستاندا تۇرىپ، 5 جىل بويى زەينەتاقى الىپ جۇرگەن.

«قازاقستاندىق قۇجاتتاردى پايدالانعانى ءۇشىن قر اقبك-ءنىڭ 496-بابى بويىنشا 100 اەك سوماسىندا ايىپپۇل تۇرىندە اكىمشىلىك جاۋاپكەرشىلىككە تارتىلدى. قازىرگى ۋاقىتتا قازاقستاندىق قۇجاتتار تاركىلەنىپ، ازاماتتىعىنان ايىرىلدى جانە زاڭسىز الىنعان اقشانى قايتارۋ ماسەلەسى قاراستىرىلىپ جاتىر»، – دەدى شقو پد باستىعىنىڭ ءبىرىنشى ورىنباسارى ەلدوس زاكيموۆ.

ايتا كەتسەك، جىل باسىنان بەرى شقو اۋماعىنان قوس ازاماتتىعى بار 35-تەن اسا ادام انىقتالعان. شقو پد كوشى-قون قىزمەتى كونستيتۋتسياعا سايكەس ەلىمىزدە قوس ازاماتتىققا جول بەرىلمەيتىنىن ەسكە سالىپ، زاڭنامانى ساقتاۋعا شاقىردى.

ۇقساس جاڭالىقتار

Back to top button