دۇنيەجۇزىلىك بانك ۋكرايناعا 1،49 ملرد دوللار بەرەدى

7 ماۋسىم كۇنى دۇنيەجۇزىلىك بانكتىڭ (دب) ديرەكتورلار كەڭەسى ۋكراينا بيلىگىنە $1،49 ملرد كولەمىندە قارجىلاي قولداۋ كورسەتۋ تۋرالى شەشىم قابىلدادى دەپ حابارلادى turkystan.kz تاسس اقپارات اگەنتتىگىنە سىلتەمە جاساپ.

بۇل – دۇنيەجۇزىلىك بانكتىڭ كيەۆكە جىبەرمەك بولعان 4 ملرد دوللار كولەمىندەگى اقشالاي كومەك پاكەتىنىڭ ءبىر بولىگى. بۇل قاراجاتقا ۇلىبريتانيا، نيدەرلاندى، ليتۆا، لاتۆيا جانە باسقا دا بىرقاتار ەلدەر بەرگەن نەسيەلىك كەپىلدىكتەر كىرەدى. دۇنيەجۇزىلىك بانك بۇل اقشانىڭ «مەملەكەتتىك قىزمەتكەرلەر مەن الەۋمەتتىك سالا قىزمەتكەرلەرىنە جالاقى تولەۋگە» باعىتتالاتىنىن ەسەپتەپ وتىر.

دۇنيەجۇزىلىك بانك پرەزيدەنتى دەۆيد مالپاس بانكتىڭ ۋكرايناعا قارجىلىق قولداۋ كورسەتۋ ءۇشىن دونور ەلدەرمەن جۇمىس ىستەپ جاتقانىن، ۋكراينالىقتاردىڭ دەنساۋلىق ساقتاۋ، ءبىلىم بەرۋ جانە الەۋمەتتىك قىزمەتتەرگە قول جەتكىزۋىنە كومەكتەسۋ باعىتىندا شارالار قابىلداپ جاتقانىن اتاپ ءوتتى.

ۇقساس جاڭالىقتار

Back to top button