انتيكور: 34 ميلليون تەڭگە بيۋدجەتكە تۇسپەگەن

الماتى وبلىسىنىڭ سىبايلاس جەمقورلىققا قارسى قىزمەتى تولقۇجاتتار مەن كۋالىكتەر بەرۋ ءۇشىن مەملەكەتتىك باج سالىعىن تولەۋ سالاسىندا سىبايلاس جەمقورلىققا قارسى مونيتورينگ جۇرگىزۋ كەزىندە ۇلكەن جەتىسپەۋشىلىكتى انىقتادى دەپ حابارلادى turkystan.kz.

«الماتى وبلىسىنىڭ ەكى اۋدانىندا 2019-2021 جىلدار ارالىعىندا بيۋدجەتكە 34،1 ملن تەڭگە سوماسىندا مەملەكەتتىك باج تۇسپەگەن. مەملەكەتتىك باج سالىعىن تولەۋدەن جالتارۋ فاكتىلەرى سالىق قىزمەتى ورگاندارىنىڭ تەكسەرۋ اكتىلەرىمەن راستالعان»، – دەلىنگەن حابارلامادا.

انىقتالعان فاكتىلەر كوشى-قون قىزمەتى قىزمەتكەرلەرىنىڭ «ازاماتتارعا ارنالعان ۇكىمەت» كەاق قىزمەتكەرلەرىمەن، سونداي-اق مەملەكەتتىك قىزمەت الۋ كەزىندە وزگە دە تۇلعالارمەن سىبايلاس جەمقورلىق سحەمالارى مەن الاياقتىق ارەكەتتەردىڭ بار ەكەنىن كورسەتەدى.

ۇقساس جاڭالىقتار

Back to top button