«رەفەرەندۋم ەل تاريحىنداعى ماڭىزدى كەزەڭگە اينالادى» – ءماجىلىس دەپۋتاتى

پارلامەنت ءماجىلىسىنىڭ دەپۋتاتى دينارا زاكيەۆا جاقىندا وتكەن رەفەرەندۋمعا قاتىستى پىكىر ءبىلدىردى دەپ حابارلادى turkystan.kz.

«جەكسەنبىدە وتكەن رەفەرەندۋمعا 8 ميلليوننان استام قازاقستاندىق قاتىستى. داۋىس بەرگەندەردىڭ 77،2 پايىزى كونستيتۋتسياعا ەنگىزىلىپ جاتقان تۇزەتۋلەردى قولداپ، جاڭا قازاقستانعا داۋىس بەردى. رەفەرەندۋم ءبىزدىڭ ەلىمىزدىڭ تاريحىنداعى ماڭىزدى كەزەڭگە اينالماق. ول حالىقتىڭ بىرلىگىن جانە ونىڭ ناقتى وزگەرىستەرگە دايىن ەكەندىگىن كورسەتتى.

جالپى، 12 مامىر مەن 3 ماۋسىم ارالىعىندا دەپۋتاتتار ەلىمىزدىڭ بارلىق وڭىرلەرىندەگى 1 204 ەلدى مەكەندە بولىپ، 120 مىڭعا جۋىق ادامنىڭ قاتىسۋىمەن 2،5 مىڭنان استام كەزدەسۋ وتكىزدى. قىسقا عانا مەرزىمنىڭ ىشىندە جاڭا فورماتتا اۋقىمدى اقپاراتتىق-ءتۇسىندىرۋ جۇمىستارى جۇرگىزىلدى. ءبىز وزگەرىستەردىڭ ءمانىن ءاربىر قازاقستاندىققا قاراپايىم تىلمەن جەتكىزۋگە تىرىستىق.

رەفەرەندۋم قورىتىندىسى قوعامنىڭ ەل بولاشاعىنا دەگەن ورتاق كوزقاراسى بار ەكەنىن كورسەتتى. قازاقستاندىقتار پرەزيدەنتتىڭ كونستيتۋتسيالىق رەفورماسىنا جوعارى سەنىم مەن قولداۋ كورسەتتى.

بىراق كونستيتۋتسياعا ەنگىزىلەتىن وزگەرىستەر، بۇل  – رەفورمالاردىڭ سوڭى ەمەس، كەرىسىنشە باسى عانا ەكەنىن اتاپ وتكىم كەلەدى. جاڭارتىلعان كونستيتۋتسيا نەگىزىندە بيلىكتىڭ بارلىق ينستيتۋتتارى جۇمىس ىستەۋىنىڭ نەعۇرلىم ءتيىمدى مودەلى قالىپتاستىرىلىپ، ەكونوميكالىق جانە الەۋمەتتىك رەفورمالار قابىلداناتىن بولادى»، – دەدى دينارا زاكيەۆا.

ىڭكار سەرىكقىزى

ۇقساس جاڭالىقتار

Back to top button