ەلىمىزدە جەڭىلدەتىلگەن نەسيەمەن قاي قالالاردان ءۇي الۋعا بولادى؟

قازاقستاندا مونوقالالاردىڭ تۇرعىندارى ءۇشىن جەڭىلدەتىلگەن نەسيە تۋرالى جاڭا مالىمەتتەر ايتىلدى دەپ حابارلادى turkystan.kz.

LS اقپارات اگەنتتىگىنىڭ مالىمەتىنشە، يندۋستريا جانە ينفراقۇرىلىمدىق دامۋ مينيسترلىگى باعدارلاما بويىنشا باستاپقى جارنا 10%-دى، سىياقى مولشەرلەمەسى 5%-دى قۇرايتىنىن اتاپ ءوتتى.

«دامۋ الەۋەتى تومەن جەتى مونوقالالار ءۇشىن (التاي، ارقالىق، جاڭاتاس، جاڭاوزەن، قاراجال، كۋرچاتوۆ، قۇلسارى) ەرىكتى قونىس اۋدارۋشىلاردى قابىلداۋدىڭ 21 قالاسى انىقتالدى (اتىراۋ، سەمەي، وسكەمەن، ريددەر، شەمونايحا، زايسان، شار، تاراز، قاراعاندى، تەمىرتاۋ، ساران، شاحتينسك، اباي، جەزقازعان، ساتپاەۆ، بالقاش، قوستاناي، رۋدنىي، ليساكوۆسك، جىتىقارا جانە اقتاۋ)»، – دەپ حابارلادى يدم.

بۇگىندە وتباسى بانكى جەرگىلىكتى اتقارۋشى ورگاندارمەن ازاماتتاردىڭ قاجەتتىلىكتەرىن جانە ساتىپ الىناتىن تۇرعىن ۇيگە قويىلاتىن تالاپتاردى، سونداي-اق قور ەسەبىنەن جۇزەگە اسىرىلاتىن قاراجات مولشەرى مەن شارتتارىن ايقىنداۋ ءۇشىن جۇمىس جۇرگىزۋدە. الدىن الا ەسەپتەۋلەر بويىنشا، باعدارلامانى ىسكە اسىرۋعا جىل سايىن شامامەن 11 ملرد تەڭگە بولىنەتىن بولادى.

ەستەرىڭىزگە سالا كەتەيىك، 2021 جىلدىڭ قاراشا ايىندا پرەزيدەنت قاسىم-جومارت توقاەۆ دامۋ الەۋەتى تومەن مونوقالالاردان قونىس اۋدارۋشىلار ءۇشىن وتباسى بانكىنە  جەڭىلدەتىلگەن يپوتەكا باعدارلاماسىن قاراستىرۋدى تاپسىرعان بولاتىن.

ۇقساس جاڭالىقتار

Back to top button