رەفەرەندۋمدا قابىلدانعان وزگەرىستەر كۇشىنە ەندى

5 ماۋسىمداعى رەفەرەندۋمدا ەل ازاماتتارى قولداعان كونستيتۋتسياداعى وزگەرىستەر كۇشىنە ەندى. رەفەرەندۋمنىڭ قورىتىندىلارى تۋرالى رەسمي اقپارات جاريالاندى دەپ حابارلادى turkystan.kz.

كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى زاڭ «ەگەمەن قازاقستان»  گازەتىندە جاريالاندى.

داۋىس بەرۋ قۇقىعى بار 11 734 642 ازاماتتىڭ 7 985 769-ى داۋىس بەرگەن. رەفەرەندۋمعا كەلگەندەر 68،05 پايىز بولعان.

نەگىزگى وزگەرىستەر:

قازاقستان سۋپەر-پرەزيدەنتتىك باسقارۋ فورماسىنان كۇشتى پارلامەنتى بار پرەزيدەنتتىك فورماعا كوشەدى.

جەر جانە ونىڭ قويناۋى، سۋ كوزدەرى، وسىمدىكتەر مەن جانۋارلار دۇنيەسى، باسقا دا تابيعي رەسۋرستار حالىققا تيەسىلى.

پرەزيدەنتتىڭ جاقىن تۋىستارىنىڭ ساياسي مەملەكەتتىك قىزمەتشى، كۆازيمەملەكەتتىك سەكتور سۋبەكتىسى باسشىلارى لاۋازىمدارىن اتقارۋعا قۇقىعى جوق.

قازاقستاندىقتار ءوز بەتىنشە كونستيتۋتسيالىق سوتقا جۇگىنە الادى.

ءولىم جازاسىنا تىيىم سالىنادى. ەشكىمنىڭ ادام ءومىرىن قيۋعا قۇقىعى جوق.

ءماجىلىستىڭ دەپۋتاتتىق كورپۋسى ارالاس سايلاۋ جۇيەسى بويىنشا قۇرىلادى.

سەناتتاعى پرەزيدەنتتىك كۆوتا قىسقارادى، ماجىلىستەگى قحا كۆوتاسى جويىلادى.

ماجوريتارلىق جۇيە دەپۋتاتتى سايلاۋشىلاردىڭ قالاۋى بويىنشا شاقىرتىپ الۋعا مۇمكىندىك بەرەدى.

تۇڭعىش پرەزيدەنتتىڭ ەرەكشە ءرولى مەن ارتىقشىلىقتارى تۋرالى ەرەجەلەر الىپ تاستالادى.

ەسكە سالساق، بۇعان دەيىن قازاقستاننىڭ 12 ايماعىندا كونستيتۋتسياداعى تۇزەتۋلەرگە داۋىس بەرۋ وتكەنى حابارلانعان بولاتىن.

 

ۇقساس جاڭالىقتار

Back to top button