جىلقىلار بەلگىسىز دەرتكە شالدىعىپ جاتىر

سولتۇستىك قازاقستان وبلىسىنىڭ ەسىل اۋدانىندا جىلقىلار بەلگىسىز دەرتپەن اۋىرىپ جاتىر دەپ حابارلادى turkystan.kz.

مامانداردىڭ ايتۋىنشا، اۋرۋدىڭ بەلگىلەرى رەسپيراتورلىق ۆيرۋسقا ۇقسايدى. قازىر ۆەتەرينارلار مالدىڭ احۋالىن سارالاپ، باسى-قاسىندا ءجۇر. ءتىپتى ەكپە جاساۋدى قولعا العان.

جەتى جىلدان بەرى مال باعىپ جۇرگەن سامارحان سادۋاقاسوۆ مۇنداي دەرتتى العاش كورىپ وتىرعانىن ايتادى. ەكى اۋىلعا تيەسىلى 400-گە جۋىق جىلقىنى باعادى. سونىڭ باسىم بولىگى بەلگىسىز اۋرۋعا شالدىققان.

«جوتەلىپ جۇرگەنىنە ءبىر اپتادان استى. ماڭقاسى اعادى، السىزدىك بولادى. جىلقى شيراق قيمىلدامايدى، باسەڭدەپ قالدى. تابەتى كورىنىپ تۇر»، – دەيدى جىلقىشى سامارحان سادۋاقاسوۆ.

جىلقىلاردان بۇرىن-سوڭدى مۇنداي ىندەت بايقالماعانىن ماماندار دا راستاپ وتىر. ۆەتەرينارلار مالعا سۋىق تيگەن كەزدەگى ەم-شارالاردى قولدانۋمەن شەكتەلۋدە. قان سىناماسىن الىپ، زەرتحاناعا جونەلتكەن.

«قازىرگى كەزدە ءبىز سيمپتوماتيالىق ەم جۇرگىزىپ جاتىرمىز. اۋىرعان جىلقىلاردى ءبولىپ، انتيبيوتيك، ۆيرۋسقا قارسى جانە جالپى ورگانيزمعا رەزيستەنتتى كوتەرەتىن ەكپەلەردى جاساپ جاتىرمىز»،- دەدى سقو ۆەتەريناريا باسقارماسىنىڭ باسشىسى بەرىك ءالجانوۆ.

قازىر جاۋاپتى تۇلعالار ءاربىر باستى تىركەپ، ولاردىڭ باسقا تابىنعا كەتىپ قالماۋىن باقىلاۋعا العان. سونداي-اق جىلقىلاردىڭ سويىلىپ، بازاردا ساتىلماۋىن دا قاداعالاۋدا.

«ءبىز بازاردا مالعا ەكپە جاسايتىن ارنايى قوندىرعىنى ورناتىپ جاتىرمىز. بيۋدجەتتىك قاراجاتقا ساتىپ الىندى. ال ەكپەنى جۇرت وزدەرى ساتىپ الىپ جاتىر. بۇگىندە 180 ەكپە بار، قالعانى جاقىن ارادا بولادى»، – دەدى سقو ەسىل اۋدانى اكىمىنىڭ ورىنباسارى الەكساندر كراۆچۋك.

مامانداردىڭ سوزىنشە، ساراپتاما قورىتىندىسى ءبىر-ەكى اپتادا دايىن بولادى. قاۋىپتى ىندەت انىقتالعان جاعدايدا اۋىلدى كارانتينگە جابۋى مۇمكىن.

ۇقساس جاڭالىقتار

Back to top button