ادىلەتتى قازاقستان قۇرۋعا نەگىز بولاتىن ماڭىزدى شەشىم قابىلداندى - ءماجىلىس دەپۋتاتى

ءماجىلىس دەپۋتاتى ەلنۇر بەيسەنباەۆ كونستيتۋتسياعا ەنگىزىلەتىن وزگەرىستەر مەن تولىقتىرۋلار بويىنشا وتكەن رەفەرەندۋمعا قاتىستى ءوز پىكىرىن ءبىلدىردى دەپ حابارلادى turkystan.kz.

«اتا زاڭىمىزعا ەنەتىن جۇيەلى وزگەرىستەر بويىنشا جالپىۇلتتىق رەفەرەندۋمنىڭ الدىن الا قورىتىندىسى جاريا بولدى. ناتيجەسىندە داۋىس بەرۋ قۇقىنا يە ازاماتتاردىڭ 68،4 پروتسەنتى، ياعني 8 ملن استامى ءوز مۇمكىندىگىن پايدالاندى. ال ولاردىڭ 77،2 پايىزى وزگەرىستەردى قولدادى. بۇل رەفەرەندۋم ءۇشىن، ياعني ساياسي بايگەسىز وتكەن سايلاۋ قورىتىندىسى ءۇشىن جوعارى بەلسەندىلىك دەپ بىلەمىن»، – دەدى ەلنۇر  بەيسەنباەۆ.

ونىڭ ايتۋىنشا، ەڭ باستىسى، دەموكراتيالىق، قۇقىقتىق، ادىلەتتى مەملەكەت قۇرۋ باعىتىنداعى حالىقتىڭ بىرىگە ءبىلۋى – ەلىمىز ءۇشىن ەڭ ماڭىزدى قادام ەكەنى ءسوزسىز.

«پارلامەنت ءۇشىن ءالى 20-دان استام كونستيتۋتسيالىق زاڭدار مەن زاڭنامالاردى جاڭا اتا زاڭىمىزدىڭ پرينتسيپتەرىنە ساي كەلتىرۋ جۇمىستارى كۇتىپ وتىر. ياكي، ەلدىڭ قالاۋىن زاڭدىق نەگىزدە ىسكە اسىرۋىن شەگەندەۋ قاجەت. بۇل رەتتە زاڭنامالىق باعىتتا اتقارىلار ءتيىستى جۇمىستى اشىق فورماتتا اتقارۋعا دايىنبىز.  زاڭ ۇستەمدىگى سالتانات قۇرعان ادىلەتتى قازاقستان قۇرۋعا نەگىز بولاتىن ماڭىزدى شەشىم قابىلداندى. سوندىقتان ەل بولىپ بىرىگىپ، كوزدەگەن ماقساتتارىمىزعا ناقتى قول جەتىزۋدى جازسىن. ول ءۇشىن جاستار تاراپىنان بارىمىزدى سالۋعا دايىنبىز»، – دەدى ءماجىلىس دەپۋتاتى.

 

ۇقساس جاڭالىقتار

Back to top button