شتۋتگارت ءتۋرنيرى: الەكساندر بۋبليك شيرەك فينالعا شىقتى

قازاقستاندىق الەكساندر بۋبليك جۇپتىق سىندا شتۋتگارت (گەرمانيا) ATP 250 ءتۋرنيرىنىڭ شيرەك فينالىنا شىقتى دەپ حابارلادى turkystan.kz.

جۇلدە قورى 770 مىڭ ەۋروعا باعالانعان جارىستا ا.بۋبليك اۋستراليالىق نيك كيروسپەن بىرگە باستاپقى كەزدەسۋىن اۋستريالىق فيليپپ وسۆالد پەن مەكسيكالىق حانس حاچ ۆەردۋگومەن وتكىزدى.

قازاقستاندىق-اۋستراليالىق جۇپ 6:2، 6:4 ەسەبىمەن جەڭىسكە جەتتى. ولاردىڭ شيرەك فينالداعى قارسىلاستارى كەيىن انىقتالادى. بۇگىن قازاقستاننىڭ ءبىرىنشى، الەمنىڭ 42-راكەتكاسى الەكساندر بۋبليك جەكەلەي سىندا دا ونەر كورسەتەدى. ونىڭ العاشقى قارسىلاسى – دۇنيەجۇزىلىك رەيتينگتە 77-ورىندا تۇرعان امەريكالىق دەنيس كۋدلا.

تاعى ءبىر قازاقستاندىق تيموفەي سكاتوۆ يتاليادا پەرۋدجا چەلەندجەر جارىسىنىڭ ەكىنشى اينالىمىنا شىعا المادى. قازاقستاندىق تەننيسشى يتاليالىق فلاۆيو كوبولليگە جول بەردى. ەسەپ – 6:7 (4:7)، 3:6.

دەنيس ەۆسەەۆ ورلاندو (اقش) چەللەندجەر دوداسىنىڭ العاشقى اينالىمىندا جاپونيالىق ياسۋتاكا ۋتيامادان جەڭىلىپ قالدى. ەسەپ – 6:3، 3:6، 2:6.

ۇقساس جاڭالىقتار

Back to top button