ءبىر اپتادا 3 مىڭنان اسا قىلمىس تىركەلدى

ەلىمىزدە ءبىر اپتادا 3 مىڭنان اسا قىلمىس تىركەلسە، ونىڭ 1824-ءى ءبىر كۇندە انىقتالدى دەپ حابارلادى turkystan.kz.

ەلىمىزدىڭ ىشكى ىستەر جۇيەسىندە قىزمەتتىك اۋىس-ءتۇيىس. ىشكى ىستەر ءمينيسترىنىڭ بۇيرىعىمەن نۇر-سۇلتان قالاسى پوليتسيا دەپارتامەنتى باستىعىنىڭ ورىنباسارى – قۋانىش ورىنبەتوۆ، پاۆلودار قالاسى پوليتسيا باسقارماسىنىڭ باستىعى لاۋازىمىنا – ەرمەك ءالجانوۆ، شىمكەنتتىڭ ەڭبەكشىقازاق اۋداندىق پوليتسيا باسقارماسىنىڭ باستىعى – الماس امزەەۆ تاعايىندالدى.

سونداي-اق ۇلتتىق ۇلاننىڭ باس قولباسشىسىنىڭ ورىنباسارلىعىنا قايرات ۇمبەتوۆ لايىق دەپ تانىلىپتى. بۇدان بولەك، مينيسترلىكتىڭ مالىمەتىنشە، ەلىمىزدە ءبىر اپتادا 3000-نان اسا قىلمىس تىركەلگەن.

«ونىڭ 1824-ءى تاۋلىك ىشىندە اشىلدى. پوليتسيا قىزمەتكەرلەرى ءىزىن سۋىتپاي 10 كىسى ءولتىرۋ، 3 ولىمگە اكەلىپ سوققان دەنساۋلىققا قاساقانا اۋىر زيان كەلتىرۋ، 1 قاراقشىلىق، 47 توناۋ جانە 500 بوتەن م ۇلىكتى توناۋ قىلمىسىن اشتى»، – دەدى قر ىشكى ىستەر مينيسترلىگىنىڭ وكىلى شۇعىلا تۇرلىبەك.

ۇقساس جاڭالىقتار

Back to top button