بەردىبەك ساپارباەۆ ءوزى تۋرالى قاۋەسەتتەرگە نۇكتە قويدى

مامىر ايىنىڭ سوڭىندا جامبىل وبلىسىنىڭ ەكس-اكىمى بەردىبەك ساپارباەۆ مەملەكەت باسشىسىنىڭ قابىلداۋىندا بولدى. بۇل ساپارباەۆ مەملەكەتتىك قىزمەتكە ورالۋى مۇمكىن دەگەن قاۋەسەتتەردىڭ كوبەيۋىنە سەبەپ بولدى دەپ حابارلادى turkystan.kz.

جامبىل وبلىسىنىڭ بۇرىنعى اكىمى پرەزيدەنت قاسىم-جومارت توقاەۆپەن نە جايلى سويلەسكەنىن ايتتى.

«قازىر اڭگىمە كوپ. بىراق مەن مەملەكەت باسشىسىمەن قانداي دا ءبىر لاۋازىم تۋرالى تالقىلاعان جوقپىن. مەن تەك ءوز ويىممەن ءبولىستىم. مەملەكەتتىك قىزمەتتە، باسقارۋدا تاجىريبەم بار ەكەنىن بىلەسىزدەر»، – دەپ جاۋاپ بەردى بۇرىنعى اكىم.

بەردىبەك ساپارباەۆ مەملەكەتتىك قىزمەتكە ورالاتىنى جايلى قاۋەسەتتەرگە دە پىكىر ءبىلدىردى.

«قازىر ەشقانداي ۇسىنىستار ءتۇسىپ جاتقان جوق. مەن قازىر ۇيدە وتباسىما كوڭىل ءبولىپ سولارمەن بىرگەمىن. ەگەر وتانىما، حالقىما مەنىڭ تاجىريبەم، ءبىلىمىم كەرەك بولسا، ارينە، وتان ءۇشىن، حالىق ءۇشىن مەملەكەتتىك قىزمەتكە دايىنمىن. ەشقانداي وبلىسقا بارايىن دەپ جاتقان جوقپىن»، – دەدى ول.

بەردىبەك ساپارباەۆ 2020 جىلدىڭ اقپانىنان باستاپ جامبىل وبلىسىنىڭ اكىمى قىزمەتىن اتقاردى. 2022 جىلعى 7 ساۋىردە مەملەكەت باسشىسىنىڭ جارلىعىمەن قىزمەتىنەن بوساتىلدى.

ۇقساس جاڭالىقتار

Back to top button