مۇناي باعاسى قىمباتتادى

ساۋد ارابياسى مۇناي باعاسىن كۇرت كوتەرگەننەن كەيىن قارا التىننىڭ باعاسى شارىقتاپ كەتتى دەپ حابارلادى turkystan.kz Reuters اگەنتتىگىنە سىلتەمە جاساپ.

بۇگىن نارىقتاعى Brent ماركالى مۇنايدىڭ فيۋچەرستەرى 1،5 پايىزعا ارتتى. ال باعاسى باررەلىنە 121،52 دوللارعا دەيىن وسكەن.

سونداي-اق West Texas Intermediate (WTI) ماركالى مۇناي فيۋچەرستەرى 1،4 پايىزعا ارتقان. بۇل – كەيىنگى ءۇش ايداعى ەڭ جوعارى كورسەتكىش. وسىلايشا WTI ماركالى مۇناي باعاسى باررەلىنە 120،50 دوللارعا دەيىن ءوستى.

Aramco مەملەكەتتىك مۇناي كومپانياسى ساۋد ارابياسى اراب مۇنايىنىڭ ازياعا رەسمي ساتۋ باعاسىن (OSP) ۇستەمە اقىمەن قىمباتتاتقانىن حابارلادى.

بۇل قادام مۇناي ەكسپورتتاۋشى ەلدەر مەن وپەك+ ۇيىمنىڭ شىلدە-تامىز ارالىعىنداعى ءوندىرىستى كۇنىنە 648 مىڭ باررەلگە نەمەسە مۇناي ءوندىرۋدى 50 پايىزعا ارتتىرۋ تۋرالى شەشىمىنە قاراماستان جاسالىپ وتىر.

ۇقساس جاڭالىقتار

Back to top button