ىرگەسى بەرىك جاڭا قازاقستان

«ەلۋ جىلدا ەل جاڭا» دەپ دانا حالقىمىز ايتقانداي، تاۋەلسىزدىكتىڭ 30 جىلدىعى قارساڭىندا مەملەكەت باسشىسى قاسىم-جومارت كەمەل ۇلى ماڭىزدى قادام جاسايتىنىن ايتقان بولاتىن.

ەسكە سالساق 29 ءساۋىر كۇنى مەملەكەت باسشىسى رەسپۋبليكالىق رەفەرەندۋم وتكىزۋگە ۇسىنىس جاساپ، جارلىققا قول قويىپ، مەرىزىمىن 5 ماۋسىمعا بەكىتكەن. بۇل رەفەرەندۋم – تاۋەلسىز قازاقستان تاريحىنداعى 3-ءشى ماڭىزى بار رەسپۋبليكالىق رەفەرەندۋم. رەفەرەندۋمدا كونستيتۋتتسيانىڭ 3/1 بولىگىنە، ياعني 99 باپتىڭ 33-ىنە وزگەرىس ەنگىزىلۋ قاراستىرىلدى. سودان بەرگى 1 اي ۋاقىت كولەمىندە ءماجىلىس، ءماسليحات دەپۋتتارى حالىقپەن ەتەنە جاقىن ارالاسىپ، ءتۇسىندىرۋ جۇمىستارىن جوعارى دەڭگەيدە جۇرگىزدى.

جالپى ءتۇسىندىرۋ جۇمىستارى اياسىندا ارنايى جاساقتالعان توپ ءماجىلىس دەپۋتاتى، فيلوسوفيا عىلىمدارىنىڭ دوكتورى جاميليا  نۇرمانبەتوۆا، پولشا مەملەكەتىنىڭ حالىق ءارتىسى بيبىگۇل ىسقاقوۆا، مەديتسينا عىلىمدارىنىڭ دوكتورى، اكادەميك جاسان زەكەي ۇلى، AMANAT پارتياسىنىڭ وكىلى يگور نەسەنمەن بىرگە نۇر-سۇلتان قالاسى بويىنشا ارنايى ءتۇسىندىرۋ شارالارىن جۇرگىزدى.

8 كۇنگە سوزىلعان ءتۇسىندىرۋ  جۇمىستارى ارنايى باعىتتار ارقىلى جۇزەگە استى. شارانىڭ العاشقى كۇنى №37 مەكتەپ قىزمەتكەرلەرىنەن باستاپ، سونىمەن قاتار №32 بالاباقشا ۇجىمىمەن كەزدەسىپ، عىلىمي-تراۆماتولوگيا ينستيتۋتىندا جالعاسىن تاپتى. نەگىزگى شارا بارىسىندا مۇعالىمدەردىڭ جانە تاعى باسقا ۇجىم قىزمەتكەرلەرىنىڭ  بۇل وزگەرىسكە دەگەن وڭ كوزقاراستارىن كورىپ، قولدايتىنداردىڭ قاراسى قالىڭ ەكەنىن ءتۇسىندىم.

جالپى شارادا قانداي ۇجىم بولماسىن جىلى قارسى الىپ، ءماجىلىس دەپۋتاتى جاميليا نۇسىپجانقىزىنىڭ ءسوزىن ءبىر ادامداي ۇيىپ تىڭداعانى ءتانتى ەتتى. ءتۇسىندىرۋشى توپ وزگەرىستەردىڭ قالاي جۇزەگە اساتىنىن ايتىپ، مەملەكەت باسشىسىنىڭ بۇل رەفورماسىن قۋاتتاپ، رەفەرەندۋمنىڭ ءمان-ماعىناسىن تۇسىنىكتى تىلدە جەتكىزە الدى. مەديتسينا عىلىمدارىنىڭ دوكتورى جاسان زەكەي ۇلى تاماشا ءسوز ساپتاۋ شەبەرلىگىمەن، ۇلاعاتتى سوزدەرىمەن رەفەرەندۋمنىڭ ماڭىزىن ءتۇسىندىردى. AMANAT پارتياسىنىڭ وكىلى يگور نەسەننىڭ مەملەكەتتىك تىلدە شارشى توپتىڭ الدىندا ءسوز سويلەۋى – تالايدىڭ تاڭدايىن قاقتىرعانى راس.

جالپى باعىتتار بويىنشا ءتۇسىندىرۋ جۇمىستارى جۇرگىزىلىپ، ودان ءارى №73 مەكتەپ ليتسەيىندە، جاۋاپكەرشىلىگى شەكتەۋلى «ءۇمىت» ورتالىعىندا، «قازاق پاراماۋنت ينجەنەرلىگىندە»، ت.ب كوپتەگەن مەكەمەلەردە جالعاسىن تاپتى. جالپى وي قالىپتاسقان جەردە پىكىر-شاعىم بولاتىنى بەلگىلى، وسى ورايدا، رەفەرەندۋمعا بايلانىستى پىكىر-شاعىم، وزىندىك ويلارىن جەتكىزگەن جاندار دا از بولمادى. سول شاعىمداردىڭ ەڭ وزەكتى، كوپ قامتىلعانى مەملەكەتتىك ءتىل ماسەلەسى بولدى.

ءبىر ايدان استام ۋاقىتقا سوزىلعان ءتۇسىندىرۋ شارالارى رەفەرەندۋمعا دەگەن حالىقتىڭ تۇسىنىگىن ارتتىرىپ، ءمان-ماڭىزىن، جاۋاپكەرشىلىگىن سەزىنۋگە زور ىقپالىن تيگىزدى. جالپى وسى ارالىقتا جاسالعان يگى شارالار، جۇمىستار ءوز ناتيجەسىن بەرىپ، داۋىس بەرۋگە قۇقىلى 11 938 293 ازاماتتىڭ 7 986 293-ءى داۋىس بەرگەن. الدىن-الا بەرىلگەن ستاتيستيكا بويىنشا، كونستيتۋتسياعا وزگەرىس ەنگىزۋگە قازاقستان حالقىنىڭ 77،18 پايىزى داۋىس بەرگەن.

نۇرداۋلەت جانداۋوۆ،

                         ل.گۋميلەۆ اتىنداعى ەۇۋ جۋرناليستيكا فاكۋلتەتىنىڭ 2-كۋرس ستۋدەنتى

ۇقساس جاڭالىقتار

Back to top button