ءاليحان سمايىلوۆ ساۋد ارابياسى كورولدىگىنىڭ سىرتقى ىستەر مينيسترىمەن كەزدەستى

پرەمەر-مينيستر ءاليحان سمايىلوۆ ساۋد ارابياسى كورولدىگىنىڭ سىرتقى ىستەر ءمينيسترى فەيسال بەن فارحان ءال ساۋدپەن كەزدەستى دەپ حابارلادى turkystan.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.

پرەمەر-مينيستر بۇگىندە ەكى ەل اراسىندا جوعارى دەڭگەيدە سەنىمدى ساياسي ديالوگ ورناعانىن، مادەني-گۋمانيتارلىق بايلانىستار نىعايىپ، ساۋدا-ەكونوميكالىق جانە ينۆەستيتسيالىق ىنتىماقتاستىق دامىپ كەلە جاتقانىن اتاپ ءوتتى.

«ساۋد ارابياسى – قازاقستاننىڭ تاياۋ شىعىستاعى ماڭىزدى سەرىكتەسى. ءبىز ءوزارا تاۋار اينالىمىندا وڭ ديناميكانى بايقاپ وتىرمىز، الايدا ونىڭ قازىرگى كولەمى ءالى دە ءبىزدىڭ الەۋەتىمىزگە سايكەس كەلمەيدى. وسىعان بايلانىستى ەلدەرىمىزدىڭ ىسكەر توپتارى اراسىندا تىعىز بايلانىس ورناتۋ ماڭىزدى دەپ سانايمىز»، – دەدى ءا.سمايىلوۆ.

پرەمەر-مينيستر قازاقستان رەسمي تۇلعالارمەن جانە كاسىپكەرلەرمەن كەلىسسوزدەر جۇرگىزۋ ءۇشىن كورولدىككە ساۋدا ميسسياسىن جىبەرۋدى جوسپارلاپ وتىرعانىن اتاپ ءوتتى.

ءوز كەزەگىندە فەيسال بەن فارحان ءال ساۋد ساۋد ارابياسى ءوزارا ءتيىمدى ەكونوميكالىق ىنتىماقتاستىقتى دامىتۋ ءۇشىن بارلىق مۇمكىندىكتەردى پايدالانۋعا دايىن ەكەنىن جەتكىزدى. وسىعان بايلانىستى ەكى ەل كاسىپكەرلەرىنىڭ ىسكەرلىك بايلانىستارى ءۇشىن قولايلى جاعداي جاساۋ قاجەت ەكەنى اتاپ ءوتىلدى.

«بىزدە ىنتىماقتاستىق ورناتۋعا باعىتتار جەتەرلىك. ەكى ەل باسشىلارى ءوزارا قارىم-قاتىناستاردى نىعايتۋ جونىندە ءتيىستى تاپسىرمالار بەردى. وسىعان بايلانىستى ءبىز ءوزارا قىزىعۋشىلىق تۋدىراتىن بارلىق سالادا جۇمىستى جانداندىرۋعا دايىنبىز»، – دەدى سىرتقى ساياسات ۆەدومستۆوسىنىڭ باسشىسى.

ۇقساس جاڭالىقتار

Back to top button