AMANAT مەديا سىيلىعى – 2022: بايقاۋعا وتىنىمدەر قابىلداۋ جالعاسىپ جاتىر

بۇقارالىق اقپارات قۇرالدارى وكىلدەرىنىڭ الەۋەتىن ارتتىرۋعا باعىتتالعان اشىق بايقاۋدا ەلىمىز ءۇشىن اسا ماڭىزدى ساياسي، ەكونوميكالىق، الەۋمەتتىك، مادەني تاقىرىپتار قامتىلعان ۇزدىك ماتەريالدار سىنعا تۇسەدى دەپ جازدى turkystan.kz.

بۇعان دەيىن AMANAT پارتياسى بۇقارالىق اقپارات قىزمەتكەرلەرىنىڭ كاسىبي مەرەكەسى قارساڭىندا رەسپۋبليكا دەڭگەيىندە وتەتىن ءداستۇرلى بايقاۋدىڭ باستالعانىن حابارلاعان ەدى.

بۇقارالىق اقپارات قۇرالدارى وكىلدەرىنىڭ الەۋەتىن ارتتىرۋعا باعىتتالعان اشىق بايقاۋدا ەلىمىز ءۇشىن اسا ماڭىزدى ساياسي، ەكونوميكالىق، الەۋمەتتىك، مادەني تاقىرىپتار قامتىلعان ۇزدىك ماتەريالدار سىنعا تۇسەدى.

بيىلعى مەديا سىيلىق باق جانرلارى بويىنشا ەمەس، تاقىرىپتىق باعىتتار بويىنشا ۇسىنىلعان ۇزدىك جۇمىستارعا بەرىلەدى.

سونداي-اق AMANAT مەديا سىيلىعى  اياسىندا ارنايى احمەت بايتۇرسىن ۇلى اتىنداعى «ءسوز زەرگەرى» سىيلىعى، شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» جانە بەلسەندى ازاماتتىق ۇستانىمى ءۇشىن دەگەن نوميناتسيادا ارنايى سىيلىقتار قاراستىرىلعان.

وتىنىمدەر 20 مامىردان 20 ماۋسىمعا دەيىن قابىلدانادى. جەڭىمپازدار 24 ماۋسىم كۇنى  سالتاناتتى تۇردە ماراپاتتالادى. بيىلعى بايقاۋدىڭ ۇزدىكتەرى AMANAT مەديا سىيلىعى مۇسىنشەسىمەن جانە قارجىلاي سىيلىقپەن ماراپاتتالادى.

بايقاۋ جەڭىمپازدارى ەكى باعىتتاعى ون نوميناتسيا بويىنشا انىقتالادى.

تاقىرىبى بويىنشا:

«جاڭا قازاقستاندى» قۇرۋ تۋرالى ۇزدىك ماتەريال;

AMANAT پارتياسىنىڭ ترانسفورماتسياسى تۋرالى ۇزدىك ماتەريال;

الەۋمەتتىك ماسەلەگە ارنالعان ۇزدىك ماتەريال;

ايماق تۋرالى ۇزدىك ماتەريال;

قازاقستان رەسپۋبليكاسىنىڭ مەملەكەتتىك رامىزدەرىنىڭ 30 جىلدىعى  تۋرالى ۇزدىك ماتەريال;

جاستار تۋرالى ۇزدىك ماتەريال;

رۋحاني-مادەني دامۋعا ارنالعان ۇزدىك ماتەريال.

ارنايى سىيلىقتار:

احمەت بايتۇرسىن ۇلى اتىنداعى «ءسوز زەرگەرى» سىيلىعى;

شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» سىيلىعى;

بەلسەندى ازاماتتىق ۇستانىمى ءۇشىن سىيلىعى.

تولىق اقپاراتتى amanatpartiasy.kz سايتىنان الۋعا بولادى.  بايلانىس ءۇشىن: 8-7172-916-005، 8-778-097-55-23. ەلەكتروندى  مەكەنجاي: media_premiya@amanatpartiasy.kz

 

ۇقساس جاڭالىقتار

Back to top button