پاۆلوداردا «پارتيالىق» ترامۆاي ىسكە قوسىلدى

بۇگىننەن باستاپ پاۆلودار كوشەلەرىمەن ەرەكشە ترامۆاي جۇرەدى. «AMANAT» پارتياسىنىڭ برەندتىك تۇستەرىمەن رەسىمدەلگەن ۆاگون جولاۋشىلاردى تاسىمالداپ، حالىقتى پارتيالىق باعدارلامالار تۋرالى حاباردار ەتۋ ءۇشىن وزىندىك پلاتفورما رەتىندە قىزمەت ەتەدى.

جوبا «پاۆلودار قالاسىنىڭ ترامۆاي باسقارماسى» اق-نىڭ باستاۋىش ۇيىمى پارتيالىق جارنالاردان بولىنەتىن اي سايىنعى قاراجاتتىڭ 20 پايىزى ەسەبىنەن ىسكە اسىرىلدى.

رەيستىڭ العاشقى كۇنىندە جەرگىلىكتى دەپۋتاتتار جولاۋشىلار اراسىندا قوعامدىق قابىلداۋ وتكىزدى. «AMANAT» پارتياسىنىڭ پاۆلودار وبلىستىق فيليالى «پارتيالىق» ترامۆايدىڭ ءتيىمدى ديالوگ الاڭىنا اينالاتىنىنا سەنىمدى جانە وندا ءاربىر ادام كۇندەلىكتى ىستەردى الاڭداماي، سۇراقتار قويىپ، اقپارات الا الادى.

پاۆلوداردا «پارتيالىق» ترامۆاي ىسكە قوسىلدى

«ترامۆاي بارلىق باعىتتار بويىنشا جۇرەدى. نەگىزگى باعىت قالا ورتالىعىندا ورنالاسقان №5 اينالما جولى بولادى. وندا قازىر اقپاراتتىق ستەند ىلىنگەن، الداعى ۋاقىتتا بارلىق پارتيالاستار وسى ترامۆايمەن ءجۇرىپ، تۇرعىندارمەن تىعىز بايلانىستا كەزدەسۋلەر وتكىزەتىن بولادى»، – دەپ اتاپ ءوتتى «پاۆلودار قالاسىنىڭ ترامۆاي باسقارماسى» اق باسقارما توراعاسى ءمۇسلىم ماحمۇدوۆ.

سول كۇنى وبلىستىق جانە قالالىق ءماسليحاتتاردىڭ دەپۋتاتتارى ترامۆايمەن قالادا قاتىناپ، ازاماتتاردى جەكە قابىلدادى.

پاۆلوداردا «پارتيالىق» ترامۆاي ىسكە قوسىلدى

«پاۆلودار قالاسىنىڭ ترامۆاي باسقارماسى» اق باستاۋىش پارتيا ۇيىمى قايتارىمدى قاراجات شەڭبەرىندە 20% مولشەرىمەن AMANAT پارتياسىنىڭ جۇمىسى بويىنشا ترامۆايدى رەسىمدەۋدى ۇيىمداستىردى. بۇل ترامۆاي «حالىققا كومەك» پارتيالىق جوباسى اياسىندا ىسكە قوسىلادى، سونداي-اق، «باقىتتى وتباسى»، «كەدەرگىسىز كەلەشەك»، «ارداگەرلەردى ارداقتايىق» پارتيالىق جوبالارى دا بار. ولاردىڭ بارلىعى ءبىزدىڭ الدىمىزدا حالىق قويىپ وتىرعان سۇرانىستار مەن تىلەكتەرى اياسىندا ەلىمىزدىڭ، قوعامنىڭ الەۋمەتتىك دامۋ سالاسىنا باعىتتالعان. سونداي-اق، ەڭ نەگىزگى ماقسات – حالىقپەن جۇمىس ىستەۋ، جىلدام ماسەلەلەردى شەشۋ ەكەنىن اتاپ وتكىم كەلەدى. ءبىز وسىنداي بىرنەشە پلاتفورمالاردى قۇردىق. ءىرى بپۇ-دا ءموبيلدى قابىلداۋ بولمەلەرى اشىلعان. وسىنداي قابىلداۋ بولمەلەرىنىڭ اشىلۋى اياسىندا ترامۆاي ىسكە قوسىلدى. ءبىز ادامداردى قابىلدايمىز، وتىنىشتەردى تىركەيمىز جانە پىسىقتايمىز»،- دەدى پارتيانىڭ وبلىستىق فيليالىنىڭ اتقارۋشى حاتشىسى يليا تەرەنچەنكو.

1 ناۋرىزدا وتكەن پارتيانىڭ سەزىندە باستاۋىش پارتيا ۇيىمدارىنىڭ باستامالارىن قولداۋ ماقساتىندا جانە پارتيالىق جوبالاردى ىسكە اسىرۋ ءۇشىن جەرگىلىكتى جەرلەردە بپۇ-عا پارتيالىق جارنالاردىڭ 20%-ىن قايتارۋ تاجىريبەسى ەنگىزىلگەن ەدى. ەنگىزىلگەن باستامالار بپۇ ىنتالاندىرىپ جانە ولارعا پارتيا ومىرىنە بەلسەندى ارالاسىپ، پارتيالىق جوبالاردى ىسكە اسىرۋعا مۇمكىندىك بەرەدى. بۇگىنگى ءىس-شارا سونىڭ ايقىن كورىنىسى.

ۇقساس جاڭالىقتار

Back to top button