«ازانمەن اتىرلەنىپ، كوفەلەندىم»: مۇحامەدجان تازابەك رەفەرەندۋمعا جىر ارنادى

رەفەرەندۋم كۇنى گرۋزيادا جۇرگەن ايتىسكەر مۇحامەدجان تازابەك تبيليسي قالاسىنداعى قازاقستان ەلشىلىگىنە كەلىپ، ءوز تاڭداۋىن جاسادى دەپ جازدى turkystan.kz.

بۇل جونىندە ول الەۋمەتتىك جەلىدە جازبا قالدىردى. سونداي-اق تاريحي وقيعا جايلى جىر جولدارىمەن ءبولىستى.

«ازانمەن اتىرلەنىپ، كوفەلەندىم،

ەلىمدە بوپ جاتقاسىن رەفەرەندۋم.

شەت جاتقان ءۇش ءجۇز شاقىرىم بورجوميدەن،

تيفليسكە تاكسي جالداپ، جەكە كەلدىم.

ەلشىلىگىڭ بولعانى قانداي جاقسى،

قاسقايىپ قالاسىندا بوتەن ەلدىڭ!

كوك تۋ مەن ەلتاڭبانىڭ ورتاسىندا،

تاڭداۋ جاساپ، ىسىنە كوكەلەردىڭ.

تاريحي بۇل جيىنعا ءبىز بارماساق،

تاعدىرىن ەرتەڭگى ەلدىڭ كوتەرەر كىم؟!

رەفەرەندۋم شەشىمى حايىرلى بوپ،

باعى اشىلسىن، بولاشاق بوپەلەردىڭ.

بەرەكە تاپسىن بارلىق باستاماسى،

توقاەۆتاي بايلامى بەكەم ەردىڭ!» دەپ جازدى مۇحامەدجان تازابەك.

ۇقساس جاڭالىقتار

Back to top button