ورتتەن 2 ادامدى قۇتقارعان سەمەيلىك ماراپاتتالدى

سەمەيدە توتەنشە جاعدايلار بويىنشا باسقارماسىنىڭ قۇتقارۋشىلارى نازارباەۆ زياتكەرلىك مەكتەبى ديرەكتورىنىڭ ورىنباسارى داۋرەن جامباەۆتى ماراپاتتادى دەپ حابارلادى turkystan.kz Arnapress.kz باسىلىمىنا سىلتەمە جاساپ.

29 مامىر كۇنى مەكتەپ ديرەكتورىنىڭ ورىنباسارى ورتەنىپ جاتقان كافەدەن 2 ادامدى الىپ شىققان.

ونىڭ سوزىنشە، تاڭعا جۋىق ۋاقىتتا داۋرەن دوستوەۆسكي كوشەسىندەگى ورتەنىپ جاتقان عيماراتتى كورگەن. بىردەن ءورت سوندىرۋشىلەردى شاقىرىپ، ءوزى دە جۇگىرىپ بارعان. ءبىرىنشى ادامدى الىپ شىققان سوڭ، العاشقى مەديتسينالىق كومەك كورسەتىپتى. تەرەزەنى كىرپىشپەن سىندىرعان سوڭ، ەكىنشى ادامدى سىرتقا الىپ شىققان.

«قاۋىپكە تولى وسى ءبىر سەكۋندتا داۋرەن ءوز ومىرىنە تونەتىن قاتەر تۋرالى ويلاماعان. سەبەبى ءورت سوندىرۋشىلەر كافەدەن 4 گاز باللونىن الىپ شىققان»، – دەلىنگەن شقو توتەنشە جاعدايلار دەپارتامەنتى ءباسپاسوز قىزمەتىنىڭ حابارلاماسىندا.

ايتا كەتسەك، بۇعان دەيىن سەمەي قالاسىنىڭ اكىمى داۋرەن جامباەۆقا ەرلىگى ءۇشىن توڭازىتقىش ساتىپ الۋعا ارنالعان سەرتيفيكات سىيلاعان ەدى.

ۇقساس جاڭالىقتار

Back to top button