ءۇندىستاندا جاس قىز ءوز-وزىنە تۇرمىسقا شىقتى

ءۇندىستاندا جاس قىز ءوز-وزىنە تۇرمىسقا شىقتى. اتا-اناسى ونىڭ شەشىمىن قولدادى دەپ حابارلادى turkystan.kz.

ءۇندىستاننىڭ گۋدجارات شتاتىنداعى ۆادودارا قالاسىنىڭ تۇرعىنى، 24 جاستاعى كشاما بيندۋ ويلانا كەلە وسىنداي شەشىمگە كەلگەن. ونىڭ ۇيلەنۋ ورنى تاڭدالىپ، توي كۇنى دە بەلگىلەنگەن. ايەل يندۋيزمدە قابىلدانعان سااتفەراعا، قالىڭدىق پەن كۇيەۋ قاسيەتتى وتتى جەتى رەت اينالىپ ءوتىپ، بەلگىلى ءبىر انتتاردى ايتۋ سياقتى بارلىق راسىمدەردى وتكىزبەكشى.

بۇل گۋدجارات شتاتىندا سولوگاميانىڭ نەمەسە وزىنە-ءوزى ۇيلەنۋدىڭ العاشقى جاعدايى بولماق. بيندۋ ونىڭ شەشىمى وزىنە دەگەن سۇيىسپەنشىلىكتى بىلدىرەتىنىن اتاپ ءوتتى.

«مەن ەشقاشان تۇرمىسقا شىققىم كەلمەدى. بىراق مەن قالىڭدىق بولۋدى ارماندادىم. سوندىقتان مەن ءوز-وزىمە ۇيلەنەمىن دەگەن شەشىمگە كەلدىم. ينتەرنەتتە سولوگاميا تۋرالى كوپ وقىدىم. بىراق ءۇندىستاندا بىردە-ءبىر سولوگاميا ءراسىمىنىڭ تىركەلگەن مىسالىن تابا المادىم. مۇمكىن، مەن ەلىمىزدە ءوزىن-ءوزى ءسۇيۋدىڭ ۇلگىسىن ءبىرىنشى بولىپ كورسەتەتىن شىعارمىن»، – دەدى ول.

ايەلدىڭ اتا-اناسى ونىڭ شەشىمىن قولداعان.

ۇقساس جاڭالىقتار

Back to top button