اسكەردە كوز جۇمعان ساربازدىڭ اناسى ۇندەۋ جاسادى (ۆيدەو)

ماڭعىستاۋ وبلىسىنىڭ بەينەۋ اۋدانىنداعى شەكارا قىزمەتىندە جۇرگەن جەرىنەن بەلدىگىنە اسىلىپ ولگەن ساربازدىڭ اناسى شىندىقتىڭ اشىلۋىن قالاپ، ۇندەۋ جولدادى دەپ حابارلادى turkystan.kz.

بۇل تۋرالى مارقۇمنىڭ اناسى ۇندەۋىن Facebook الەۋمەتتىك جەلىسى ارقىلى جاريالادى.

اناسى بالاسىنىڭ ءوز-وزىنە قول سالدى دەگەنگە سەنبەيدى. ايتۋىنشا، ۇلىن ولىمگە بازبىرەۋلەر يتەرمەلەگەن. ول پرەزيدەنت قاسىم-جومارت توقاەۆتان ءوزىن قابىلداۋىن سۇراپ وتىر جانە ءىستىڭ جان-جاقتى تەكسەرىلۋىن تالاپ ەتتى.

«اسكەرگە دەنى ساۋ بولىپ كەتكەن بالا نەگە ءولىپ كەلەدى؟ 2 كۇن ەمەس قازىر دەنەسىن كەسپەي اكەپ بەرسىن. ەكىنشى رەت بالالارىڭدى اسكەرگە جىبەرمەڭدەر! رەسەيدەن بە، باسقا جاقتان شاقىرتسىن. قازاقستاندى قىرىپ بىتەتىن بولدى. اقشادان قينالدىم، اقشا ءۇشىن ءولدىم دەپتى. مىنە، حاتتارى تۇر جىبەرىلگەن. اسكەردە قانداي اقشا ول؟! قامتاماسىز ەتە الماساڭدار، نەگە اكەتەسىڭدەر؟! ءوزىنىڭ اۋرۋى بار ەكەن دەيدى. اۋرۋ بولسا، نەگە الاسىڭدار؟! جاۋاپسىز قالدىرمايمىن! پرەزيدەنت مىرزا، بالام ءولدى دەگەن حابار الىپ تۇرمىز. اقشادان قينالىپ ءولدىم دەپ جازىپتى. پرەزيدەنتتىڭ قابىلداۋىن سۇرايمىن»، – دەدى مارقۇمنىڭ اناسى.

ۇقساس جاڭالىقتار

Back to top button