«حالىق وزگەرىستى كۇتىپ وتىر» – ءماسليحات دەپۋتاتى

قوستاناي وبلىستىق ءماليحاتىنىڭ دەپۋتاتى قىرمىزى جانبىرشينا رەفەرەندۋم ناتيجەسىنەن قوستانايلىقتاردىڭ زور ءۇمىتى بارىن جەتكىزدى دەپ جازدى turkystan.kz.

«كۇللى حالقىمىز كوز تىگىپ، ۇلكەن ءۇمىت ارتىپ وتىرعان ساياسي رەفورمانىڭ ءبىرى – بۇكىلحالىقتىق رەفەرەندۋم بۇگىن  ءوتىپ جاتىر. تۇڭعىش رەت كونستيتۋتسيالىق وزگەرىستەر حالىقتىڭ تىكەلەي قاتىسۋىمەن قابىلدانۋدا. جالپى، مەملەكەت ءۇشىن حالىقتىڭ سەنىمىنەن، حالىقتىڭ تىلەگىنەن ارتىق ەشتەڭە جوق دەپ ويلايمىن. حالىقتىڭ  سەنىمى – شىن مانىندە قوعامنىڭ قوزعاۋشى كۇشى. حالىق وزگەرىستى كۇتىپ وتىر. بۇگىنگى كۇن – وسى وزگەرىس پەن جاڭاشىلدىقتىڭ باستاماسى. مەملەكەت باسشىسى  زاڭ الدىندا ءبارى تەڭ بولسىن دەپ، كەلەشەك ءۇشىن وتە ماڭىزدى قادام جاسادى دەپ سانايمىن»، – دەدى ءماسليحات دەپۋتاتى.

سونداي-اق ول ءتۇسىندىرۋ جۇمىستارى كەزىندە حالىققا ساياسي رەفورما مەن رەفەرەندۋم جايىندا ناسيحات جۇمىستارى جۇرگىزىلگەنىن ايتتى.

«ەندىگى كەزەكتە، ازاماتتارىمىزدىڭ دۇرىس شەشىم قابىلداۋى ءوز قۇزىرلارىندا. مەن بۇگىن داۋىسىمدى بەرىپ، ءوزىمنىڭ ازاماتتىق بورىشىمدى اتقاردىم. مەن داۋسىمدى ەلىمنىڭ بولاشاعى ءۇشىن، بالالارىمنىڭ كەلەشەگى ءۇشىن بەردىم. قارت اتا-انامدى، باۋىرلارىمدى سايلاۋ ۋچاسكەسىنە الىپ باردىم، ول كىسىلەردە ءوز تاڭداۋلارىن جاسادى. پارتيانىڭ رەسپۋبليكالىق شتابىنىڭ  مۇشەسى رەتىندە، 2 رەفەرەندۋم سايلاۋ ۋچاسكەلەرىن قاراپ شىقتىم. 14 مەكتەپكە ورنالاسقان سايلاۋ ۋچاسكەسى بارلىق تالاپتارعا ساي جابدىقتالعان. تۇرعىندار ءۇشىن ارنايى بۋفەت جۇمىس ىستەپ تۇر. كەزەكشى مەدبيكە  ءوز قىزمەتىن ۇسىنۋعا دايىن. عيماراتتا ويناپ تۇرعان وتاندىق اۋەندەر، سايلاۋشىلارعا ادەمى كوڭىل-كۇي سىيلاۋدا. جاستار سارايىندا ورنالاسقان 857 ۋچاسكەسى دە بارلىق تالاپتارعا ساي جۇمىس ىستەپ تۇر. باقىلاۋشىلار ءوز جۇمىستارىن اتقارىپ وتىر ، ەشقانداي ءتارتىپ بۇزۋشىلىق تىركەلمەگەن. سايلاۋ ۋچاسكەلەرىنە لەگىمەن كەلىپ، داۋىستارىن بەرىپ جاتقان ۇلكەن-كىشى جەرلەستەرىمىزدى كورىپ، ەلىمىزدىڭ بولاشاعىنا دەگەن سەنىمىم نىعايا ءتۇستى دەسەم دە بولادى»، – دەيدى قىرمىزى جانبىرشينا.

ۇقساس جاڭالىقتار

Back to top button