«قازاقستاندىقتاردى ۇلكەن وزگەرىستەر كۇتىپ تۇر» – توقاەۆ

مەملەكەت باسشىسى قاسىم-جومارت توقاەۆ الدا بۇگىن داۋىس بەرىپ جاتقان كونستيتۋتسيانى ىسكە اسىرۋ كەرەك ەكەنىن جانە قازاقستاندىقتاردى ۇلكەن وزگەرىستەر كۇتىپ تۇرعانىن ايتتى دەپ حابارلادى turkystan.kz.

بۇل تۋرالى ول رەفەرەندۋمدا ءوز تاڭداۋىن جاساعاننىن كەيىن بەرگەن سۇحباتىندا ايتتى.

«الدا ۇلكەن جۇمىس بار. بۇگىن وزگەرىستەر ەنگىزۋگە داۋىس بەرىپ جاتقان كونستيتۋتسيانى ىسكە اسىرۋ كەرەك. اتاپ ايتساق، پارتيالارعا، پارلامەنتكە قاتىسى بار زاڭنامالارعا وزگەرىس ەنگىزىلمەك. پارلامەنتىمىز بۇل مىندەتتى ابىرويمەن اتقارادى دەپ ويلايمىن»، – دەدى مەملەكەت باسشىسى.

پرەزيدەنت حالىق داۋىس بەرىپ جاتقان تۇزەتۋلەر ەلدىڭ قوعامدىق ومىرىنە ۇلكەن وزگەرىستەر ەنگىزۋدى كوزدەيتىنىن ايتتى.

«تۇپتەپ كەلگەندە مەملەكەت پەن قوعامنىڭ اراسىنداعى قاتىناستىڭ پاراديگماسى وزگەرەدى، ادام قۇقىقتارى ءبىرىنشى ورىنعا شىعادى. بۇل – اسا ماڭىزدى. كونستيتۋتسيادا ادام قۇقىقتارى جونىندەگى ومبۋدسمەن جاڭا مارتەبەگە يە بولادى. ومبۋدسمەن كونستيتۋتسيالىق سوتقا جۇگىنە الادى. ول ورگان دا ءبىز ءۇشىن جاڭا ينستيتۋت»، – دەدى قاسىم-جومارت توقاەۆ.

ۇقساس جاڭالىقتار

Back to top button