انتيكور نۇرلان ماسىموۆكە ىزدەۋ جاريالادى

سىبايلاس جەمقورلىققا قارسى ءىس-قيمىل اگەنتتىگى پاۆلودار وبلىسى پوليتسيا دەپارتامەنتىنىڭ بۇرىنعى باستىعى نۇرلان ماسىموۆكە ىزدەۋ جاريالاندى دەپ حابارلادى turkystan.kz.

«اسا اۋىر سىبايلاس جەمقورلىق قىلمىس جاساعانى ءۇشىن 1973 جىلى تۋعان ءماسىموۆ نۇرلان مىرزاحان ۇلى ىزدەستىرىلۋدە. كۇدىكتىنى انىقتاۋ نەمەسە ونىڭ ورنالاسقان جەرى تۋرالى قانداي دا ءبىر اقپارات بولعان جاعدايدا اگەنتتىكتىڭ كورسەتىلگەن تەلەفوندارى بويىنشا حابارلاۋدى سۇرايمىز: call-تسەنتر 1424; +7 (7172) 909 260; +7 (727) 278 7300; +7 (707) 978 0808»، – دەلىنگەن حابارلامادا.

اگەنتتىكتىڭ مالىمەتىنشە، ىزدەۋدەگى كۇدىكتىكتىنىڭ ورنالاسقان جەرى تۋرالى اقپارات بەرگەن ادامعا 4 000 ايلىق ەسەپتىك كورسەتكىشكە (اەك) دەيىن سىياقى كوزدەلگەن. سونداي-اق، حابارلامانىڭ قۇپيالىلىعىنا كەپىلدىك بەرىلەدى.

ۇقساس جاڭالىقتار

Back to top button