پاۆلودارلىق وقۋشىلار ەكى ميلليونعا جۋىق پلاستيك قاقپاعىن جينادى

جاستار اراسىندا ەكولوگيالىق مادەنيەت پەن  تابيعات تازالىعى ادەتىن قالىپتاستىرۋعا باعىتتالعان شاراعا 24 مىڭعا جۋىق وقۋشى قاتىستى دەپ حابارلادى turkystan.kz. baq.kz سايتىنا سىلتەمە جاساپ.

وبلىستىق دەڭگەيدەگى اكتسياعا قاتىسۋعا 185 مەكتەپتىڭ بالالارى نيەت بىلدىرگەن. ناتيجەسىندە وقۋ جىلى ىشىندە ۇل-قىزدار پلاستيك بوتەلكەلەردىڭ 1 ملن 800 مىڭ دانادان استامىن جيناپ، ءبىر جەرگە توپتاستىردى. قاقپاقشالار كوپ جينالعانى سونشالىق، ولاردى ارنايى جۇك ماشينالارىمەن تاسىمالداۋعا تۋرا كەلدى.

م. كاتاەۆ اتىنداعى وبلىستىق وقۋشىلار سارايىنىڭ ادىسكەرى اسەم ايپوۆانىڭ ايتۋىنشا، زياندى قالدىق سانالاتىن پلاستيك قاقپاقشالار قايتا وڭدەۋ كاسىپورىندارىنا تاپسىرىلادى. جينالعان قاراجات كومەككە ءزارۋ بالالاردىڭ ەسەپشوتتارىنا اۋدارىلادى.

«ءبىزدىڭ ماقسات – قامقورلىققا مۇقتاج بالالارعا، مۇمكىندىگى شەكتەۋلى جەتكىنشەكتەرگە كومەك كورسەتۋ. سونىمەن قاتار، بۇل ارەكەت ارقىلى وقۋشىلاردى قورشاعان ورتانى ايالاۋعا، ءبىر-بىرىنە مەيىرىممەن قاراۋعا جانە جاقسىلىق جاساۋدان جالىقپاۋعا باۋلۋ. بالالاردىڭ بەلسەندىلىگى جوعارى»،- دەدى اسەم ايپوۆا.

ايتا كەتسەك، ەكواكتسيا اياسىندا 1 توننادان استام پلاستيكالىق قالدىق جينالدى. اۋقىمدى شارا سوڭعى ءتورت جىل بويى ۇيىمداستىرىلىپ كەلەدى.

ۇقساس جاڭالىقتار

Back to top button