مەملەكەتارالىق ىزدەۋ جاريالانعان كۇدىكتى ۇستالدى

مەملەكەتارالىق ىزدەۋ جاريالانعان انۋاربەك جەكسەنعاليەۆ ۇستالدى دەپ حابارلادى turkystan.kz قارجىلىق مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.

انۋاربەك بولات ۇلى جەكسەنعاليەۆتى الماتى قالالىق ەكونوميكالىق تەرگەۋ دەپارتامەنتىنىڭ قىزمەتكەرلەرى ۇستاعان.

ەسكە سالساق، ءا. جەكسەنعاليەۆكە 1،1 ملرد تەڭگە بيۋدجەت قاراجاتىن جىمقىردى دەگەن ايىپ تاعىلعان.

وسىدان ءبىر اي بۇرىن وعان مەملەكەتارالىق ىزدەۋ جاريالانعان بولاتىن.

«قارجىلىق مونيتورينگ اگەنتتىگى كاسىپكەر جەكسەنعاليەۆ انۋاربەك بولات ۇلى جانە مەدەتبەكوۆ ەركىن قالقاباي ۇلىنا ىزدەۋ جاريالادى. ولار 1،1 ملرد تەڭگە سوماسىندا بيۋدجەت قاراجاتىن جىمقىردى دەگەن كۇدىككە ءىلىندى. كۇدىكتىلەر بيۋدجەت قاراجاتىن جىمقىرۋدى الدىن الا ءسوز بايلاسۋ ارقىلى توپ بولىپ ۇيىمداستىرعان» دەلىنگەن حابارلامادا.

سونداي-اق، اگەنتتىك ىزدەۋ سالىنعان ازاماتتارعا قاتىستى اقپارات ءۇشىن اقشالاي سىياقى قاراستىرىلعانىن جەتكىزدى.

ۇقساس جاڭالىقتار

Back to top button