اباي وبلىسى ءماسليحاتىنىڭ دەپۋتاتتىق قۇرامى بەكىتىلدى

2015-2022 جىلدار ارالىعىندا اباي ايماعىن دامىتۋعا 200 ملرد تەڭگە جۇمسالعان. بۇل تۋرالى شقو اكىمى دانيال احمەتوۆ وبلىستىق ءماسليحاتتىڭ XVI كەزەكتەن تىس سەسسياسىندا ايتتى دەپ حابارلادى turkystan.kz.

«مەملەكەت باسشىسى قاسىم-جومارت توقاەۆتىڭ جارلىعىمەن 8 ماۋسىمدا شىعىس قازاقستان وبلىسىنىڭ قۇرامىنان اقسۋات، اباي، اياگوز، بەسقاراعاي، بورودۋليحا، جارما، ءۇرجار، كوكپەكتى اۋداندارى، سەمەي جانە كۋرچاتوۆ قالالارى بولىنەدى. وسىلايشا، اكىمشىلىك ورتالىعى سەمەي قالاسى بولاتىن اباي وبلىسى قۇرىلادى. وڭىردە الداعى وزگەرىستەرگە بەلسەندى دايىندىق ءجۇرىپ جاتىر»، – دەدى ايماق باسشىسى.

ماسەلەن، شىعىس قازاقستان وبلىسى ءماسليحاتىنىڭ سەسسياسىندا دەپۋتاتتىق كورپۋستى ءبولۋ جونىندەگى شەشىمنىڭ جوباسى ماقۇلداندى. جاڭا وبلىس ءماسليحاتىنىڭ دەپۋتاتتىق قۇرامىنا 16 ادام بەكىتىلدى. 8 ماۋسىمدا سەمەي قالاسىندا اباي وبلىسى ءماسليحاتىنىڭ وتىرىسى جوسپارلانعان.

«سوڭعى 7 جىلدا اباي وبلىسىنىڭ قالالارى مەن اۋداندارىنا 2،1 تريلليون تەڭگە ينۆەستيتسيالاندى. بىرقاتار ءىرى جوبا جۇزەگە اسىرىلدى. اتاپ ايتقاندا، 2017 جىلى سالىنعان بىرەگەي اقتوعاي تاۋ-كەن بايىتۋ كومبيناتى مەن قۋاتتىلىعى 300 مىڭ توننادان اساتىن ماي وڭدەيتىن ءىرى زاۋىت قۇرىلىسى»، – دەدى دانيال احمەتوۆ.

ۇقساس جاڭالىقتار

Back to top button