رەفەرەندۋمدى قولداۋ ماقساتىندا كەزدەسۋ ءوتتى

 ءبىر ايعا جۋىق قر پارلامەنتى ءماجىلىسىنىڭ دەپۋتاتتارى، AMANAT پارتياسى فراكتسياسىنىڭ مۇشەلەرى  – اسقاربەك ۇيسىمباەۆ،  يۋليا كۋچينسكايا، ءمادي ەلۋباەۆ پەن مارات قۇسايىنوۆ اقمولا وبلىسىنىڭ اۋدان-اۋداندارداعى 120 اۋىلدى ەلدى مەكەندە حالىقپەن 200-دەن اسا كەزدەسۋ وتكىزدى. اقپاراتتىق-ءتۇسىندىرۋ جۇمىستارىمەن 6 مىڭعا جۋىق تۇرعىن قامتىلدى. ماجىلىسمەندەر قاجەتتى اقپاراتپەن حالىقتىڭ ءار ساناتىن قامتۋعا تىرىستى. ءسويتىپ، قاراپايىم اۋىل حالقىنان باستاپ، زاۋىت-فابريكالاردىڭ جۇمىسشىلارى، مەديتسينا، پەداگوگيكا، مادەنيەت، اۋىلشارۋاشىلىعى سياقتى ءتۇرلى سالا قىزمەتكەرلەرى مالىمەت الىپ، تاريحي ماڭىزى زور شاراعا قاتىسۋدىڭ قاجەتتىلىگىنە كوزدەرىن جەتكىزدى.

رەفەرەندۋمدى قولداۋ ماقساتىندا كەزدەسۋ ءوتتى

بۇگىن حالىق قالاۋلىلارى «كوكشەتاۋ مينەرالدى سۋلارى» زاۋىتىنىڭ ۇجىمىمەن كەزدەستى. ايتا كەتەيىك، 100-گە تارتا ءونىم تۇرلەرىن شىعاراتىن كاسىپورىن جىل سايىن ءونىم تۇرلەرىن كوبەيتۋگە، ساپالىق كورسەتكىشتەردى جاقسارتۋعا ۇمتىلىپ كەلەدى. زاۋىت شىعارعان تابيعي تازا سۋسىنداردى ەلىمىزدىڭ بارلىق وڭىرىنەن كەزدەستىرۋگە بولادى. تاۋەلسىزدىكتىڭ قۇرداسى سانالاتىن كاسىپورىندا بۇگىندە 300-گە تارتا جۇمىسشى ەڭبەك ەتەدى. حالىق قالاۋلىلارى زاۋىت قىزمەتكەرلەرى مەن جۇمىسشىلارىنا كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ ماڭىزدىلىعىن ءتۇسىندىرىپ، الداعى رەفەرەندۋمعا بەلسەندى قاتىسۋعا شاقىردى. زاۋىت قىزمەتكەرلەرى تاراپىنان  ءسوز سويلەگەن الما ەرالينا رەفەرەندۋمدا زەينەت جاسىن تومەندەتۋ ماسەلەسى نەگە قارالمايتىنى تۋرالى ساۋالىن قويدى. ونىڭ ايتۋىنشا، «ايەل-انا، ايەل-جار، ايەل –اجە. سوندىقتان، ونى ەگدە جاسقا دەيىن بەلىن بۇگىپ، اۋىر  جۇمىسقا سالىپ قويۋ دۇرىس ەمەس» ەكەندىگىن العا تارتتى. وسى رەتتە حالىق قالاۋلىلارى، رەفەرەندۋمدا اتا زاڭعا ەنگىزىلەتىن نەگىزگى وزگەرتۋلەر عانا داۋىسقا سالىناتىنىن، ال زەينەت جاسىن تومەندەتۋ ماسەلەسى بولسا، ءالى دە قارالىپ جاتقانىن ايتىپ ءتۇسىندىردى. ءمادي ەليۋباەۆ كونستيتۋتسياعا ەنگىزىلەتىن ناقتى باپتار تۋرالى ايتىپ، حالىققا سول وزگەرتۋلەردىڭ نە بەرەتىنىنە توقتالدى.

ال، ماجىلىسمەن اسقاربەك ۇيسىمباەۆ اقمولا وبلىسىنا جاساعان ساپارلارىن قورىتىندىلاي كەلە، جالپى اقمولالىق تۇرعىنداردىڭ رەفەرەندۋمدى قولدايتىنىن العا تارتتى.

 «وسى ۋاقىتقا دەيىن قانشاما ەلدى مەكەندە بولىپ حالىقپەن كەزدەسۋلەر وتكىزىپ جاتىرمىز. ءتۇسىندىرۋ جۇمىستارىنان كەيىن اقمولالىقتار رەفەرەندۋمگە قاتىسامىز، پرەزيدەنتتىڭ رەفورمالارىن قولدايمىز دەپ ايتىپ جاتىر. حالىققا سۋپەرپرەزيدەنتتىك رەسپۋبليكادان قۋاتتى پارلامەنتى بار پرەزيدەنتتىك رەسپۋبليكاعا كوشۋ تۋرالى باستاما ۇناپ جاتىر»، –دەدى اسقاربەك سەزبەكۇىلى.

جالپى، دەپۋتاتتاردىڭ وبلىسقا ساپارى بارىسىندا اقمولالىق تۇرعىندار تاراپىنان 800-گە تارتا ۇسىنىس پەن ءوتىنىش-تىلەك تۇسكەن.  الەۋمەتتىك ماسەلەلەرگە قوسا، حالىق رەفەرەندۋمگە قاتىستى دا ۇسىنىستار جاساعان. ونىڭ ىشىندە سىبايلاس جەمقورلىقتى تۇبىرىمەن جويۋ قاجەت دەگەن سياقتى باعىتتا تىلەكتەرى دە بولعان.رەفەرەندۋمدى قولداۋ ماقساتىندا كەزدەسۋ ءوتتى

ۇقساس جاڭالىقتار

Back to top button