جەڭىلدەتىلگەن اۆتونەسيەگە ءوتىنىم قابىلداۋ ۋاقىتشا توقتاتىلدى

بانكتەر جەڭىلدەتىلگەن نەسيە بويىنشا اۆتوكولىك ساتىپ الۋعا وتىنىمدەر قابىلداۋدى ۋاقىتشا توقتاتتى  دەپ حابارلادى turkystan.kz tengrinews.kz سايتىنا سىلتەمە جاساپ.

ەكىنشى دەڭگەيلى بانكتەردىڭ مالىمەتىنشە، مەملەكەت تاراپىنان قارجىلاندىرۋ بولماۋى سەبەپ بولعان.

«بۇگىندە بارلىعى 9 مىڭعا جۋىق ءوتىنىم قابىلداندى. قارجىلاندىرۋدىڭ ءبىرىنشى ترانشى اياقتالدى. وتىنىمدەر 20 مامىردان باستاپ قابىلدانبادى. وتىنىمدەر قاشان قايتا قابىلداناتىنى، ياعني مەملەكەتتەن قاراجاتتىڭ ەكىنشى ترانشى قاشان تۇسەتىنى ازىرگە بەلگىسىز»، – دەلىنگەن حابارلامادا.

سونىمەن قاتار، باق-تا جەڭىلدەتىلگەن اۆتونەسيە باعدارلاماسىنا قاتىسۋعا وتىنىمدەردىڭ ءليميتى تاۋسىلعانى ايتىلدى.

بىلتىر كەزەكتە تۇرعانداردىڭ دا ءبارىن الماعانى ايتىلدى. جەڭىلدەتىلگەن نەسيەگە ءوتىنىش بەرىپ ۇلگەرگەن قازاقستاندىقتار العان. ەندى اۆتوكولىكتى نەسيەگە العىسى كەلگەندەر ءوتىنىش بەرە المايدى، قاشانعا دەيىن ەكەنى بەلگىسىز.

«نۇر-سۇلتاندا تۇران داڭعىلىنداعى Kia Allur Auto اۆتوسالونى وكىلدەرى اۆتوكولىكتەر جەتكىلىكتى ەكەنىن ايتتى، بىراق بانكتەر ارقىلى قارجىلاندىرۋ جاقىن كۇندەردەن بەرى بولماعان. ازىرگە تەك ForteBank وتىنىمدەردى قابىلداۋدى جالعاستىرىپ جاتىر. اۆتوسالوننىڭ ەلەكترون كەزەگىندە بارلىعى 13 مىڭ ادام تۇر. باعدارلاما بويىنشا، وتىنىمدەردى قابىلداۋ قاشان باستالادى، قاشان قارجىلاندىرىلادى دەگەن ماسەلە «ونەركاسىپتى دامىتۋ قورىندا» ايتىلمادى»، – دەلىنگەن حابارلامادا.

ۇقساس جاڭالىقتار

Back to top button