سەمەيلىك تۇرعىن ەمشىگە سەنىپ، قوماقتى قارجىسىنان ايىرىلدى

سەمەي تۇرعىنى ناۋقاس قىزىن ەمشىگە ەمدەتپەك بولىپ، 210 مىڭ تەڭگەسىنەن ايىرىلدى دەپ حابارلادى turkystan.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

بيىل مامىر ايىندا سەمەي قالاسى پب اۋەزوۆ اۋداندىق پوليتسيا بولىمىنە 42 جاستاعى قالا تۇرعىنى شاعىمدانعان. ول 2017 جىلدىڭ كوكتەمىندە تانىمايتىن ايەل تەرى اۋرۋىنا شالدىققان قىزىن «ەمدەيمىن» دەپ وزىنەن 210 مىڭ تەڭگە العانىن ايتتى. بىراق، قىزىنا ەمشىنىڭ «ەمى» قونباعان.

پوليتسەيلەر 61 جاستاعى كۇدىكتىنى ۇستادى. ول ءوز كىناسىن مويىندادى. العان اقشاسىن كەرى قايتاردى.

وسى فاكتىگە قاتىستى قىلمىستىق كودەكستىڭ 190-بابى، 1-بولىگى، ياعني «الاياقتىق» بويىنشا سوتقا دەيىنگى تەرگەۋ جۇرگىزىلىپ جاتىر.

ۇقساس جاڭالىقتار

Back to top button